चितवन । एक्सपर्ट एजुकेशन एण्ड भिसा सर्भिसेसको २२ औं वार्षिकोत्सवको अवसरमा बिहीबारदेखि ‘एक्सपर्ट फुटसल फेस्ट–२०२५’ सुरु भएको छ । चितवन जिल्ला फुटबल संघको आयोजनामा भरतपुर–३, बाह्रघरे स्थित क्यासी स्पार्टस्मा सुरु भएको प्रतियोगिताको प्याब्सन चितवनका अध्यक्ष मदन पुरीले समुद्घाटन गर्नुभयो । प्रतियोगिताको पहिलो दिन आज १९ वटा खेल सम्पन्न भएका छन् । दुई वटा फुटसल कोर्टमा एकै पटक भएका खेलबाट ४ टिम सेमीफाइनलमा प्रवेश गरेका छन् ।

भोलि विहान ८ बजे हुने पहिलो सेमीफाइनलमा प्रेसिडेन्सी कलेज र होली भिजन पब्लिक स्कुलबीच प्रतिस्पर्धा हुने कार्यक्रम संयोजक एवं चितवन जिल्ला फुटबल संघका महासचिव रामहरि ढकालले जानकारी दिए । उनका अनुसार दोस्रो सेमीफाइनलमा नारायणी पब्लिक स्कुल र वाल्मीकि शिक्षा सदनबीच प्रतिस्पर्धा हुने छ । प्रतियोगितामा कुल २४ टिमले सहभागिता जनाएका छन् । प्रतियोगिताका विजेताले नगद ५० हजार रुपैयाँ र ट्रफी प्राप्त गर्ने छ भने उपविजेताले नगद २५ हजार र ट्रफी प्राप्त गर्नेछ । सेमीफाइनल पुग्ने दुई टिमलाई ५÷५ हजार र विधागत उत्कृष्ट खेलाडीहरुले जनही ३ हजार रुपैयाँ पुरस्कार प्राप्त गर्नेछन् । विधागततर्फ प्लेयर अफ दि टुर्नामेन्ट, उच्च गोलकर्ता र उत्कृष्ट गोलकिपरको पुरस्कार प्रदान गरिनेछ ।

उद्घाटन समारोहमा एक्सपर्ट चितवनका रिजनल म्यानेजर किरण पौडेल (नरहरि), कार्यक्रम संयोजक रामहरि ढकाल, नेपाल पत्रकार महासंघ चितवनका उपाध्यक्ष दीपेन्द्र अधिकारीलगायतले मन्तव्य व्यक्त गर्नुभएको थियो भने चितवन जिल्ला फुटबल संघका वरिष्ठ उपाध्यक्ष विजय घलेको अध्यक्षतामा सम्पन्न भएको थियो । औपचारिक कार्यक्रम एक्सपर्ट चितवनका बिजनेश डेभलपमेन्ट म्यानेजर विनोदबाबु रिजालले संचालन गरेका थिए । एक्सपर्टले अगष्ट ८ का दिन वार्षिकोत्सव मनाउँदै आइरहेको छ ।

साउन २३ गते हुने वार्षिकोत्सवको दिन विशेष कार्यक्रम आयोजना गरिने छ । सोही कार्यक्रममा यस प्रतियोगिताको विजेताहरुलाई पुरस्कार प्रदान गरिने छ । वार्षिकोत्सवको अवसरमा फुटसलसंगै एक्सपर्टले विभिन्न कार्यक्रमहरु आयोजना गर्दै आइरहेको छ । यसवर्ष पनि फुटसलसंगै मुख्य कार्यक्रम शैक्षिक पत्रकारिता पुरस्कार वितरण, एउटा विद्यालयलाई शैक्षिक तथा खेलकुद सामग्री वितरण, देवघाटमा रहेको वृद्धाश्रममा आश्रितहरुलाई खाना खुवाउनेलगायतका विविध कार्यक्रम आयोजना गर्दैछ ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान