चितवन । भरतपुर–२, क्षेत्रपुर स्थित सिद्धि विनायक बचत तथा ऋण सहकारी संस्था लि. (साकोस)ले नयाँ कार्यालयबाट सेवा शुभारम्भ गरेको छ ।
महानगर फलफूल तथा तरकारी बजारमा रहेको कार्यालयलाई बिहीबार एक कार्यक्रमका बिच समुदायमा लक्षित हुँदै साविकको स्थानबाट करिब ५० मिटर दक्षिणतर्फ स्थानान्तरण गरिएको संस्थाका अध्यक्ष थिरप्रसाद धितालले जानकारी दिए ।
कार्यक्रमको सभापतित्व समेत रहेका अध्यक्ष धितालले संस्थाको परिचयबारे प्रकाश पार्दै स्वागत गरेका थिए ।
भरतपुर महानगरपालिका वडा नं. २ का वडाअध्यक्ष मनोज रानाभाटले नयाँ कार्यालयको उद्घाटन गरेका हुन् । वडाअध्यक्ष रानाभाटले कार्यालयको उद्घाटनपछि संस्थाको मुक्तकन्ठले प्रशंसा गर्दै शुभकामना व्यक्त गरेका थिए ।
स्थापनाकालको करिब दुई दशक नजिक रहेको सिद्धि विनायक साकोसले आफ्ना शेयर सदस्यहरुलाई सहज रुपमा ऋण प्रवाह गर्दै आएको छ । हरेक सुख, दुःखमा सिद्धि विनायक सँगसँगै छ भन्ने प्रत्याभूत गराएको शेयर सदस्यहरुको भनाइ छ ।
कार्यक्रममा उद्योग वाणिज्य संघ चितवनका वरिष्ठ उपाध्यक्ष चिरञ्जिवी सुवेदी सुवेदी, रामेश्वर पुस्तकालयका अध्यक्ष विजय पराजुलीलगायतले शुभकामना मन्तव्य दिएका थिए । कार्यक्रममा रामेश्वर आमा समूहका अध्यक्ष निर्मला खरेल कडरिया, सिद्धि विनायक साकोसका व्यवस्थापक विकास पौडेललगायतको उपस्थिति रहेको थियो ।
संस्थाका अध्यक्ष उपाध्यक्ष मुकुन्दप्रसाद गौतमले कार्यक्रमको समापन गरेका थिए भने सञ्चालन जयराम पाण्डेले गरेका हुन् ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.