चितवन । शैक्षिक परामर्श संस्था ग्लोबल रिचले यही आँउदो भदौ २ गते भरतपुरमा शैक्षिक मेला गर्ने भएको छ । हरेक वर्ष जस्तै जनवरी फेब्रुअरी इन्टेकलाई लक्षित गर्दै भरतपुर ओरालो स्थित आफ्नै कार्यालय परिसरमा उक्त मेला गर्न लागेको हो।

ग्लोबल रिचका चितवन शाखा प्रमुख सुरेश पौडेलले अष्ट्रेलिया जाने विद्यार्थी एव अभिभावकलाई कलेजका प्रतिनिधिसँग प्रत्यक्ष परामर्श दिने उद्देश्य सहित शैक्षिक मेला गर्न लागिएको जानकारी दिए । ‘हामीले चितवनमा हरेक वर्ष दुईपटक शैक्षिक मेला गर्दै आएका छौ, उनले भने, कलेज तथा युनिभर्सिटीका प्रतिनिधिसँग प्रत्यक्ष परामर्श गर्न पाउनेछन् ।’

शैक्षिक मेलामा ८ वटा युनिभर्सिटी तथा कलेजका प्रतिनिधिले परामर्श दिने उनले बताए । मेलामा कुनैपनि सङ्कायमा ब्याचलर देखि पिएचडीसम्मका विद्यार्थीले स्कलरसिप, फि स्ट्रक्चर, कोर्स लगायतका विषयमा परामर्श लिनसक्ने छन् । सहभागी विद्यार्थी तथा अभिभावकलाई मायाको चिनो उपलब्ध गराइने छ । शैक्षिक डकुमेन्ट तयार भएका विद्यार्थीले अन द स्पट एप्लाई गर्न सकिने उनले बताए ।

साउथ एशियामानै सबैभन्दा बढी युनिभर्सिटी र कलेजसँग सहकार्य गर्दै आएको ग्लोबल रिच बाट आवेदन दिँदा विद्यार्थीले आफ्नो छनोट अनुसारको विषय र युनिभर्सिटीमा अध्ययन गर्ने अवसर प्राप्त गर्ने पौडेलको भनाई छ । मेलामा चितवन, नवलपरासी, मकवानपुर लगायतका विद्यार्थी तथा अभिभावक सहभागी हुनेछन् ।

बिहान ११ बजेदेखि अपरान्ह ४ बजेसम्म मेला सञ्चालन हुने पौडेलले जानकारी दिए । ग्लोबल रिचले विगत ३४ वर्षदेखि विद्यार्थीलाई सेवा दिँदै आइरहेको छ भने विगत १९ वर्षदेखि नेपालमा सेवा दिइरहेको छ । ग्लोबल रिचको नेपालमा मात्र काठमाडौं, बुटवल, पोखरा, चितवन गरी चारवटा शाखा छन् भने भारत, बंगलादेश, भुटान, श्रीलंका, अष्ट्रेलियाका देशहरूमा गरी कुल ४२ वटा शाखा सञ्चालनमा छन् ।

संस्थाले उच्च शिक्षा अध्ययनका लागि अष्ट्रेलिया, क्यानडा, बेलायत लगायतका विभिन्न देश जान चाहने विद्यार्थीहरूलाई शैक्षिक परामर्श, भर्ना प्रक्रिया सहजिकरण, भिसा आवेदनमा सहयोग गर्नुका साथै आइएलटिएस र पिटीईका कक्षाहरू सञ्चालन गरिरहेको छ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान