पोखरा । पोखरा महानगर क्षेत्रमा रहेका सामुदायिक विद्यालयका प्रध्यानाध्यापकहरुलाई विद्यार्थीहरूका लागि डिजिटल लर्निङका बारेमा अभिमुखीकरण गरिएको छ । पोखरा महानगरपालिकाका प्रमुख धनराज आचार्यले यसको सहायतामा सामुदायिक विद्यालयहरूको शैक्षिक गुणस्तर वृद्धि सहित नतिजामा समेत सकारात्मक परिवर्तन ल्याउन उनले प्रध्यानाध्यापकहरुलाई निर्देशन दिए । विद्यालय शिक्षाको अवस्था तुलनात्मक रूपमा सन्तोषजनक रहेको भए पनि निर्धक्क बन्ने अवस्था भने नरहेको उनले स्पष्ट पारे ।

विद्यार्थी केन्द्रित सिकाइमा जोड दिँदै उनले आफ्नो जिम्मेवारी कुशलतापूर्वक बहन गर्न र त्यसलाई नतिजामा परिणत गर्न सुझाव समेत दिए । विशेष गरी कक्षा १० मा अध्ययन गरिरहेका विद्यार्थीहरूलाई अनलाइन मार्फत शिक्षण सिकाइका गतिविधिहरूमा कसरी संलग्न गराउन सकिन्छ भन्ने विषयमा एम्बिसन गुरु नामक एपका जानकारवालाहरुले प्रशिक्षण गरेका हुन् । एम्बिसन गुरु एउटा डिजिटल शैक्षिक प्लेटफर्म हो । इच्छुक व्यक्ति तथा विद्यार्थीले यसलाई पढ्ने र सिक्ने माध्यमको रूपमा उपयोग गर्न सक्छन् ।

मोबाइल एप र वेबमा आधारित यो प्लेटफर्म मार्फत आफ्नो शिक्षण सिकाइलाई अगाडी बढाउन विद्यार्थीहरूका लागि निकै उपयोगी र प्रभावकारी मानिएको जानकारवालाहरुको तर्क छ । विद्यालयमा सिकेको कुरामा कुनै प्रकारको अलमल, अस्पष्टता र अनविज्ञता देखिए यो एप मार्फत सिकाइमा सहजीकरण गर्न सकिन्छ । एम्बिसन गुरुलाई फन्डिङ् गरिरहेको घुन्सा फाउन्डेसनकी संस्थापक समेत रहेकी नेपाल ट्रस्टकी कार्यकारी सदस्य याङ्जोम शेर्पाका अनुसार शिक्षालाई पहुँचयोग्य तथा सर्वसुलभ बनाउने एम्बिसन गुरुको लक्ष्य रहेको छ ।

यसका लागि आफूहरूले विभिन्न काम गरिरहेको र सक्दो कम मूल्यमा देशमा उपलब्ध मध्येकै सर्वोत्कृष्ट शिक्षा उपलब्ध गराइरहेको एम्बिसन गुरुको दाबी छ । सामुदायिक विद्यालयहरूमा अध्ययन गरिरहेका कक्षा १० का विद्यार्थीहरूलाई यसले निःशुल्क अनलाइन शिक्षा प्रदान गरिरहेको छ ।

उत्कृष्ट नतिजा दिलाउने अङ्कुरम् एकेडेमीका विषयगत शिक्षक सम्मानित

बाढी प्रभावित ऋणीलाई बैंकको किस्ता तिर्न पुस मसान्तसम्मको समय

अब सवारी दर्ता तथा नामसारीका लागि धनी स्वयं यातायात कार्यालय जान नपर्ने