चितवन । जेञ्जी पुस्ताको आन्दोलनको क्रममा आगजनीबाट क्षति भएको जिल्ला प्रशासन कार्यालय चितवनको दैनिक कार्य सञ्चालनको लागि लायन्स क्लब इन्टरनेशनल डिष्ट्रिक ३२५ आर नेपालले १५ थान डेक्सटप कम्प्युटर र पाँच थान प्रिन्टर हस्तान्तरण गरेको छ ।

क्लबका गर्भनर नबराज सापकोटाले प्रमुख जिल्ला अधिकारी गणेश अर्याललाई सामाग्रीको नाम ब्राण्ड र स्पेसिफिकेशनसहितको कागजात र सामाग्री हस्तान्तरण गरेका हुन । सोमबार सरोकारवाला संगको बैठकमा प्रमुख जिल्ला अधिकारी गणेश अर्यालले दैनिक कार्य सञ्चालनार्थ सहयोगको लागि अनुरोध गरेका थिए ।

गभर्नर सापकोटाका अनुसार जिल्ला प्रशासन कार्यालयको दैनिक कार्य सञ्चालनको लागि न्यूनतम आवस्यकता पुरा गर्न क्लबले उक्त सामाग्री हस्तान्तरण गरेको हो ।उक्त सामाग्रीको मूल्य पाँच लाख १० हजार रुपैयाँ बराबरको रहेको गभर्नर सापकोटाले जानकारी दिए । जेञ्जी पुस्ताको आन्दोलनको क्रममा गत २४ गते गरिएको आगजनीमा जिल्ला प्रशासन कार्यालय पूर्णरुपमा क्षति पुगेको छ ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान