काठमाडौँ । लामो समयदेखि भएको लकडाउन र बन्दाबन्दीको कारण सबै परिक्षाहरु स्थगित भएका थिए । स्थगित भएका सबै परिक्षाहरु पुन सुचारु हुन लागेसंगै त्रिभुवन विश्वविद्यालयले मंसिर दोस्रो सातादेखि परिक्षाहरु गर्ने तयारी गरेको छ । विश्वविद्यालयले विद्यार्थीहरुलाई आफुलाई पायक पर्ने जुनसुकै परिक्षा केन्द्रबाट परिक्षा दिन मिल्ने व्यवस्था गरेको छ । लकडाउनको समयमा स्थगित भएका परिक्षाहरु त्रिविले विद्यार्थीलाई आफुलाई पायक पर्ने स्थानबाट दिने व्यवस्था मिलाएको हो । परीक्षा नियन्त्रण कार्यलय बल्खुको वेवसाइटमा गएर विद्यार्थीले आफुलाई पायक पर्ने ठाँउमा रहेको त्रिविले तोकेकोे परिक्षा केन्द्र रोज्न पाउने भएका छन् । र सोही परिक्षा केन्द्रबाट परिक्षा दिन पाउने व्यवस्था भएको छ । स्नातकोत्तर तहमा सामेल हुने आंशिक तथा नियमित पशिक्षार्थीहरु कोभिड महामारीको कारणले गर्दा उपयुत्त परिक्षा केन्द्र रोज्न पाउने तथा मंसिर ३० बाट परिक्षा सुरु हुन लागेकोले मंसिर १५ गतेसम्म अनलाइन फारम भरी आवेदन दिनसमेत त्रिबिले आग्रह गरेको छ । तोकिएको मापदण्ड पुरा भएका र समयसीमा भित्र प्राप्त आवेदनहरु उपर आवश्यक छानबिन गरी स्वीकृत भएका आवेदकको नाम र तोकिएको परिक्षा केन्द्र उल्लेखित वेवसाइटमा प्रकाशीत गरिनेछ । साथै परिक्षामा सहभागी हुन आउने प्रशिक्षार्थीहरुलाई कोरोना पोजेटिभ छ भने आफ्नो परिक्षाको दिनभन्दा एकदिन अगावै केन्द्राध्यक्षलाई कार्यलय समयभित्र लिखित जानकारी गराउन पनि त्रिबिले अनुरोध गरेको छ । त्रिविका रजिष्ट्रार डा पेसल दाहालले कोभिडको कारणले गर्दा विद्यार्थीलाई सहज बनाउन यो प्रक्रिया अपनाएको जानकारी दिए । यही मंसिर दोस्रो सातादेखि स्थगित भएका सबै परिक्षा गर्ने तयारी गरेसंगै प्रवेशपत्र पनि अनलाइनबाट नै प्रिन्ट गरेर लिनसक्ने व्यवस्था पनि गरिएको दाहालले बताए । कोभिड १९ का कारणले गत चैत ७ गतेदेखि त्रिविअन्र्तगतका सबै परिक्षा स्थगित भएका थिए । रजिष्ट्रार दाहालले केही दिनमै सबै परिक्षाको कार्यतालिका प्रकाशन गरिने पनि जानकारी दिए ।
आफुँ जहाँ छन् त्यहाबाट नै परिक्षा दिन पाउने भएपछि विद्यार्थीहरुमा थप उत्साहा थपिएको छ । पढाई राजधानीमा र आफू गाँउमा पुगेका कयौँ विद्यार्थीहरु त्रिविको यो निर्णयपछि लाभान्वीत बनेका छन् । परिक्षा दशैँअघि नै हुने त्रिविको निर्णय , त्रिभुवन विश्वविद्यालयले दशैँअघि नै सबै तहका परिक्षाहरुको परिक्षा तालिका सार्वजनिक गर्दै । यस्ता कयौँ झुटा समाचारहरु प्रकाशन गर्ने अनलाइनका कारण पनि विद्यार्थीहरु तत्काल परिक्षा केन्द्रसम्मै पुगेका थिएनन् । फेरी उपत्याकामा कोरोना भाइरस संक्रमितको सङख्या ह्वातै बढेकाले पनि धेरै विद्यार्थीहरु घरघरमै छन् । त्रिविको यो निर्णयले घरघरमै बसेका विद्यार्थीहरु एकदमै उत्साहीत बनेका छन् ।

उपराष्ट्रपतिबाट बडादसैँको टीका ग्रहण

प्रधानमन्त्री बालेनको विजयादशमी शुभकामना : भ्रष्टाचार, कुशासन र विभेद हटाउन एकजुट हुन आह्वान

राष्ट्रपति पौडेलले शुभसाइतमा लगाए दशैँको टीका र जमरा