चितवन । राष्ट्रिय युवा संघ नेपाल जिल्ला कमिटी चितवन र नेपाल खेलकुद महासंघ जिल्ला कमिटी चितवनले दशैंका बेला विपन्न परिवारलाई खाद्यान्न वितरण गरेका छन् । माडी नगरपालिका ८ मा रहेको चेपाङ वस्तीका ३१ परिवार, माडी ६ मा रहेको रहेको ३४ बालबालिका पढ्ने मनमोहन बालग्राम र भरतपुर २८ को एक विपन्न परिवारलाई खाद्यान्न वितरण गरिएको राष्ट्रिय युवा संघ नेपाल जिल्ला कमिटी चितवनका संयोजक सन्तोष श्रेष्ठ ‘मधुपर्क’ ले जानकारी दिए ।

दाल, चामल, भुजा, नुन र तेल वितरण गरिएको उनले बताए । कार्यक्रममा एमाले केन्द्रीय सदस्य यम बहादुर परियार, एमाले चितवनका उपाध्यक्ष श्याम कुमार विष्ट, एमाले चितवनका सचिवालय सदस्य सुदिप रेग्मी, एमाले माडी नगरपालिका अध्यक्ष नारायण अधिकारी, नेपाल खेलकुद महासंघ जिल्ला कमिटी चितवनका अध्यक्ष योग बहादुर गुरुङ् लगायतको उपस्थिति रहेको थियो ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान