चितवन । यातायात व्यवस्था सेवा कार्यालय भरतपुरले लक्ष्यभन्दा धेरै राजश्व संकलन गर्न सफल भएको छ । कार्यालयले पहिलो चौमासिकमा १५ करोड राजश्व संकलन गर्ने लक्ष्य लिएको थियो । तर, यो अवधिमा कार्यालयले २१ करोड ५३ लाख १ हजार ८ सय ७८ रुपैयाँ राजश्व संकलन गरेको छ । कार्यालयका प्रमुख सुवास उप्रेतिले भदौमा निकै कम राजश्व असुली भएपनि अन्य महिना सन्तोषजनक रहेको बताउनुभयो । साउनमा ६ करोड १७ लाख २४ हजार ७ सय १६ रुपैयाँ, भदौमा २ करोड २४ लाख ४ हजार ७७ रुपैयाँ, असोजमा ७ करोड १३ लाख ३९ हजार ४ सय ९२ रुपैयाँ, कार्तिकमा ५ करोड ९८ लाख ३३ हजार ५ सय ९३ रुपैयाँ राजश्व असुली भएको छ । कार्यालयले यो वर्ष ५१ करोड राजश्व असुली हुने अनुमान गरेको छ । सेवा कार्यालयबाट वार्षिक सवारी कर संकलन, दर्ता किताब नविकरण, रुट परमिट र सवारी जाँचपासको काम हुने गर्छन् । वार्षिक सवारी कर हरेक आर्थिक वर्षको चैत मसान्तसम्म वा दर्ता नविकरण गर्ने म्याद जुन अघि हुन्छ, सोही म्याद भित्र बुझाइसक्नुपर्नेछ ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह