चितवन । उद्योग वाणिज्य संघ चितवनको आगामी नेतृत्वका लागि वरिष्ठ उपाध्यक्ष चिरञ्जीवी सुवेदीको नेतृत्वमा उम्मेदवारी घोषणा गरिएको छ । मंगलबार चितवनमा पत्रकार सम्मेलन गर्दै सुवेदीले प्यालनसहित अध्यक्ष पदमा उम्मेदवारी घोषणा गरेका हुन् ।

सुवेदी समूहबाट वरिष्ठ उपाध्यक्ष पदमा हालका प्रथम उपाध्यक्ष राजेन्द्र ओली र उपाध्यक्ष पदमा अशोक अधिकारी, नारायण प्रधान र राजन पियाको उम्मेदवारी घोषणा गरिएको छ । अन्य पदका उम्मेदवारको नामावली भने पछि घोषणा गरिने सुवेदीले जानकारी दिए ।

उनले आफ्नो समूहमा विभिन्न जिम्मेवारीमा दशकौँ बिताएका योग्य अनुभवी र परिपक्व व्यक्तिहरू रहेको बताए । संघको संस्थागत विकास एवं समग्र जिल्लाको विकासमा योगदान पुराउनले उद्देश्यका साथ निर्वाचनमा होमिएको उनको भनाइ छ ।

यसअघि उद्योग वाणिज्य संघ चितवनको आगामी नेतृत्वका लागि सिरिस पन्त समूहलेसमेत उम्मेदवारीको घोषणा गरिसकेको छ । संघको नयाँ नेतृत्व चयनका लागि पुस २१ गते निर्वाचन हुँदैछ । संघको अधिवेशनबाट २५ सदस्यीय कार्यसमिति निर्वाचित हुनेछन् ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै