नवलपुर । नेपाल आदिवासी जनजाति महासंघ नगर समन्वय परिषद् गैंडाकोटले चौथो गैंडाकोट महोत्सव-२०८२ मा औपचारिक रूपमा सहभागिता नजनाउने निर्णय गरेको छ।
नगर समन्वयन संघले महोत्सव कार्यक्रम संयोजक छवि कँडेललाई जानकारी गराउँदै उद्योग वाणिज्य संघ नवलपुर (ब.सु.पू.) को सभाहलमा मिति २०८२ माघ ८ गते बसेको बैठकको छलफल तथा निर्णयका आधारमा उक्त निर्णय लिइएको जनाएको हो। महासंघका अनुसार उद्योग वाणिज्य संघले आदिवासी जनजातिहरूलाई हेर्ने दृष्टिकोण र गर्ने व्यवहारप्रति असहमति जनाउँदै महोत्सवका कुनै पनि कार्यक्रममा औपचारिक सहभागिता नजनाउने निष्कर्षमा पुगेको हो।
पत्रमा उल्लेख भएअनुसार महोत्सव स्थल परिसरभित्र कुनै पनि जातीय पहिचान झल्किने संरचना निर्माण नगर्न तथा नगराउनसमेत कार्यक्रम संयोजकलाई जानकारी गराइएको छ।
नेपाल आदिवासी जनजाति महासंघ नगर समन्वय परिषद् गैंडाकोटका अध्यक्ष नर बहादुर थाप (नरेश) द्वारा हस्ताक्षरित पत्रमा उक्त निर्णयबारे सम्बन्धित पक्षलाई अवगत गराइएको हो। यस निर्णयको जानकारी स्वीट नेपाल मिडिया लगायतका सञ्चार माध्यमहरूलाई बोधार्थ पठाइएको छ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.