चितवन । चितवनको व्यस्त व्यवसायिक केन्द्रमा जब परिवर्तनको आवाज खोजिन्छ, त्यहीँ एक नाम बारम्बार सुनिन्छ—शिरिष पन्त। ऊर्जा, स्पष्ट दृष्टिकोण र परिणाममुखी सोचका प्रतीक पन्त आज केवल एक सफल उद्यमी मात्र होइनन्, चितवनको व्यवसायिक नेतृत्वमा नयाँ सम्भावनाको संकेत बनेका छन्।

२१ वर्षदेखि निर्माण सामग्री तथा हार्डवेयर व्यवसायमा सक्रिय पन्त पछिल्ला तीन वर्षदेखि विद्युत् व्यवसायमा समेत संलग्न छन्। लामो अनुभव, निरन्तर प्रयोग र व्यावहारिक सिकाइले उहाँलाई जोखिम लिन सक्ने, निर्णयमा अडिग र परिणामप्रति जिम्मेवार बनाएको छ। उहाँका लागि व्यवसाय नाफा–नोक्सानको गणनामा सीमित छैन; यो समाजसँगको उत्तरदायित्व र नेतृत्वको अभ्यास हो।
व्यवसायभन्दा बाहिर पनि पन्तको उपस्थिति उत्तिकै प्रभावशाली छ।

लायन्स क्लब अफ चितवन राइजका अध्यक्ष, रोटरी क्लबका सदस्य, वागीश्वरी आध्यात्मिक परिषद्का आजीवन सदस्य, नेपाल हार्ट फाउन्डेसनका विशिष्ट सदस्य तथा नारायणी नमुना माध्यमिक विद्यालय एलुम्नाइका अध्यक्षका रूपमा उहाँ सामाजिक सेवामा निरन्तर सक्रिय छन्। यी सबै भूमिका उहाँको समाजप्रतिको प्रतिबद्धता र नेतृत्व क्षमताका सजीव प्रमाण हुन्।
उद्योग वाणिज्य संघमा पन्तको भूमिका भाषण र औपचारिकतामा सीमित छैन।

सदस्य व्यवसायीलाई स्वास्थ्य सेवामा छुट दिलाउने पहलदेखि फुटपाथ अतिक्रमण हटाउने अभियानसम्म, विज्ञापन कर र घरबहाल करको अव्यवस्थित प्रणालीविरुद्ध आवाज उठाउनेदेखि पार्किङ समस्याको समाधान खोज्नेसम्म—उहाँले व्यवसायीको हितका लागि व्यावहारिक र चुनौतीपूर्ण कदम चालेका छन्। कोभिड–१९ महामारीका बेला प्रभावित व्यवसायीलाई घरभाडामा छुट दिलाउन गरिएको पहलले उहाँको संवेदनशील नेतृत्वलाई अझ स्पष्ट बनाएको छ।
पन्तले अघि सारेको कार्यक्रम ३० बुँदामा आधारित छ। तर उहाँका लागि योजनाको सूचीभन्दा कार्यान्वयनको प्रतिबद्धता महत्त्वपूर्ण छ।

कम्तीमा २० बुँदा अनिवार्य रूपमा पूरा गरेर देखाउने अठोटसहित उहाँ व्यवसायीहरूको विश्वास जित्न अग्रसर हुनुहुन्छ। विगतमा अधुरा काम र आश्वासनको आलोचनालाई स्मरण गर्दै पन्त भन्छन्—नेतृत्व कर्मबाट प्रमाणित हुन्छ, शब्दबाट होइन। युवामा जिम्मेवारीको भावना जगाउने, व्यवसायीहरूमा आत्मविश्वास बढाउने र संस्थागत सुधारका लागि निरन्तर संघर्ष गर्ने पन्तको नेतृत्व चितवनको व्यवसायिक संरचनामा परिवर्तनको संकेत हो। उहाँको उपस्थिति केवल उम्मेदवारी वा पदको दाबी होइन; यो उत्तरदायी, सशक्त र पारदर्शी नेतृत्वको अभ्यास हो।

शिरिष पन्तको कथा व्यवसायको मात्र होइन, साहस र प्रतिबद्धताको कथा हो। जहाँ धेरैले योजना बनाएर थाक्छन्, उहाँ त्यहीँबाट कर्म सुरु गर्न चाहनुहुन्छ। चितवनको व्यवसायिक यात्रामा यो युवा नेतृत्वले लेख्न लागेको नयाँ अध्यायलाई धेरैले आशाका आँखाले हेरिरहेका छन्।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै