नेपालको कुल जनसङ्ख्याको ४२ दशमलव ५६ प्रतिशत युवा भए पनि उनीहरू बेरोजगारी, सीप अभाव र वैदेशिक पलायनजस्ता गम्भीर चुनौतीहरूको सामना गरिरहेको भन्दै डा. पौडेलले युवाको वर्तमान अवस्थाबारे कार्यपत्रमा उल्लेख गरेका छन् ।

नेपालमा प्रशासनिक ढिलासुस्ती, भ्रष्टाचार, राजनीतिक हस्तक्षेप र पारदर्शिताको अभाव सुशासन कायम गर्ने बाटोका मुख्य व्यवधानहरु भएको औँल्याउँदै डा. पौडेलले सुशासनमा युवाको भूमिकाबारे प्रकाश पारेका थिए ।

सार्वजनिक खर्च र सेवा प्रवाहमा निगरानी बढाउने र सूचनाको अधिकार प्रयोग गर्ने, भ्रष्टाचारविरुद्ध शून्य सहनशीलताको अभियान चलाउने र दबाब सिर्जना गर्ने, खुला डाटा र इ–गभर्नेन्सजस्ता प्रविधिको प्रवद्र्धन गर्ने, प्रमाणमा आधारित नीति निर्माणमा अनुसन्धान र सुझावमार्फत योगदान पु¥याउने काम युवाले गर्नुपर्ने उनले कार्यपत्रमा उल्लेख गरेका छन् ।

डा. पौडेलले २०४६ सालसम्म त्याग र निष्ठामा आधारित रहेको राजनीति २०५१ पछि पेसा र व्यवसायमा परिणत भएको बताए । उनले राजनीतिलाई पुनः सेवाभावमा फर्काउन युवाहरू सहभागी मात्र नभई परिवर्तनको नेतृत्वकर्ता बन्नुपर्ने कुरामा जोड दिए ।

अन्तक्र्रिया कार्यक्रमले चितवनको भौतिक पूर्वाधार विकासलाई सुशासन र युवा नेतृत्वको सशक्तिकरणसँग जोडेर अगाडि बढ्नुपर्ने निष्कर्ष निकालेको विपद् न्यूनीकरण विज्ञ मनबहादुर थापाले बताए ।

नेपाली कांग्रेसका क्षेत्रीय सभापति एवम् निर्वाचन परिचालन समितिका संयोजक किरणभूषण सिंह ओलीले कांग्रेसले घोषणा गरेको भिजन–१० अवधारणा मतदातालाई बुझाउन जरूरी रहेको बताए । कांग्रेस मतदाताको घरदैलोमा पुग्दा वा मतदाता भेट्दा कांग्रेसका एजेन्डाहरु प्रष्टसँग राख्नसमेत नेताकार्यकर्ताहरुलाई आग्रह गरे ।