चितवन । “भ्रष्टाचार विरुद्ध एकजुट होऔं”भन्ने मुल नाराकासाथ चितवनमा पनि भ्रष्टाचार विरुद्धको अन्तर्राष्ट्रिय दिवस मनाईएको छ । आज भ्रष्टाचार विरुद्ध अभियान चितवन र भ्रष्टाचार विरुद्धको निगरानी संस्थाको आयोजनामा जिल्ला समन्वय समिति चितवनको सभाहलमा कार्यक्रम भएको थियो । कार्यक्रमलाई सम्बोधन गर्दै जिल्ला प्रशासन कार्यालय चितवनका प्रमुख जिल्ला अधिकारी नारायण प्रसाद भट्टराईले सबै क्षेत्रमा नजर पु¥याउन नसके पनि सुचनाको आधारमा काम गर्ने बताउनु भयो । उहाँले भन्नुभयो, “सबै ठाउँमा हाम्रो नजर जान सक्दैन । यस्तोमा सर्वसाधारणलाई गलत काम भईरहेको जानकारी भए सुचना दिनुहोस हामी कारबाहि गर्छौ ।” उहाँले भ्रष्टाचारमा एसियाको पहिलो स्थानमा आएको हाम्रो देश नेपाललाई अन्तर्राष्ट्रिय जगतबाट कुन तरिकाले हेरिएको छ यस प्रति सबैले ध्यान दिनुपर्ने बताउनुभयो । प्रमुख जिल्ला अधिकारीले नेता, जनप्रतिनिधि, स्थानिय निकायमा सहि व्यक्ति छनोट गरेर पठाउनुपर्नेमा जोड दिनुभएको थियो । जिल्ला प्रहरी कार्यालय चितवनका प्रमुख नान्ति गुरुङले सबै मानिसलाई एउटै दृष्टिले हेर्न नहुने बताउनु भएको छ । उहाँले भन्नुभयो, “प्रहरीका केहि कर्मचारीबाट यस्ता खाल्का काम भएको थाहा भए आउनुस न्याय हामी दिन्छौं । तर, एक खराब हुदैमा सबै खराब हुन्छन भन्ने धारणा गलत हो ।” प्रहरी प्रमुख गुरुङले जिल्लामा रहेका चौकिमा भ्रष्टाचार जस्ता गतिविधि भएका छन कि छैन भनेर निगरानी पनि गरीरहेको बताउनु भयो । उहाँले मागेर गर्ने भ्रष्टाचार मात्र भ्रष्टाचार होइन, दियो भन्दैमा लिनु पनि भ्रष्टाचार रहेको बताउनुभयो । आफ्ना जवानहरुलाई पनि यहि शिक्षा दिएको उहाँको भनाईरहेको छ । सभामा वडाका भ्रष्टाचार विरुद्धका संयोजकको उपस्थिति रहेको थियो । उहाँहरुले मुल सफा भएमात्र नदी, ताल तलाउ सफा हुनेमा जोड दिएका थिए । सुँन काण्ड, बालुवाटार काण्ड, लगायतका काण्ड हुँदा पनि देशका प्रमुखले ढाकछोप गरेको भन्दै यस्तो बताएका हुँन । राजसंस्था हुँदा नै देशको विकास भएको, जनताको हितमा काम भएको, भ्रष्टाचार न्युन रहेको बहुदल, गणतन्त्रमा देश भ्रष्टाचारको खाल्डोमा चुर्लुम्ब डुबेको उँहाहरुको भनाई थियो । उँहाहरुले नीतिगत भ्रष्टाचार देशमा मौलाएको बताएका छन् । भरतपुर महानगरपालिका वडा नं. ९ का भ्रष्टाचार अभियानका संयोजक डिल्ली सापकोटाले चितवनको भरतपुर महानगरमा धेरै भ्रष्टाचार हुने गरेको बताएका थिए । सापकोटाले भन्नुभयो, “चितवनको ७ स्थानिय निकाय मध्य भरतपुर महानगरमा भ्रष्टाचार भईरहेको छ । अझै बढी भरतपुर ९ मा भईरहेको छ । उँहाले भरतपुर ९ मा खानेपानिको नाममा भ्रष्टाचार भएको बताएका हुन । यस विषयमा अख्तियारमा उजुरी हालेको सापकोटा बताए । तीन पटक धायर यसको अनुसन्धान गर्न अख्तियारमा भने पनि केहि काम नभएको आक्रोस पनि व्यत्ति गरेका थिए । सापकोटाले भ्रष्टाचार अभियान कै अभियान्ताबाट पनि भूष्टाचारको गन्ध आएको बताउनु भएको थियो ।