हेटौंडा । जिल्ला प्रशासन कार्यालय मकवानपुर कार्यसम्पादनका आधारमा देशभरका जिल्ला प्रशासन कार्यालयमध्ये पाँचौं उत्कृष्ट प्रशासन कार्यालयको रूपमा स्थापित भएको छ । गृह मन्त्रालयले सार्वजनिक गरेको कार्यसम्पादन मूल्याङ्कन नतिजाअनुसार मकवानपुर पाँचौं स्थान हासिल गर्न सफल भएको हो। मूल्याङ्कनमा मनाङ पहिलो, म्याग्दी दोस्रो, भक्तपुर तेस्रो तथा रसुवा चौथो स्थानमा रहेका छन् ।

यसैगरी काठमाडौं ७६औँ तथा धनुषा ७७औँ स्थानमा रहेका छन् । मकवानपुरका प्रमुख जिल्ला अधिकारी बसन्त अधिकारीका अनुसार सेवा प्रवाह, सुशासन, शान्ति सुरक्षा, विपद् व्यवस्थापन, मुद्दा फछ्र्यौट लगायतका सूचकहरूको आधारमा गृह मन्त्रालयले कार्यसम्पादन मूल्याङ्कन गरेको हो । गृह मन्त्रालयले देशभरका ७७ वटै जिल्ला प्रशासन कार्यालयहरूको कामलाई थप उत्तरदायी, पारदर्शी र नतिजामुखी बनाउन हरेक वर्ष गृह सचिव र प्रमुख जिल्ला अधिकारीबीच कार्यसम्पादन सम्झौता गर्दै आएको छ । सोही सम्झौताका आधारमा अनलाइन प्रणालीमार्फत त्रैमासिक तथा वार्षिक रूपमा कार्यालयहरूको कार्यसम्पादन मूल्याङ्कन गरिने व्यवस्था रहेको छ ।

यस उपलब्धिलाई जिल्ला प्रशासन कार्यालय मकवानपुरले सेवा प्रवाह सुधार, प्रभावकारी प्रशासनिक व्यवस्थापन तथा नागरिकमैत्री कार्यशैलीको परिणामका रूपमा लिएको जनाएको छ ।

बागमती प्रदेशले संघिय सरकारसँग पुनर्निर्माणका लागि एक अर्ब अनुदान माग्ने

कारले स्कटिङ् गर्दै ल्याएको एक सय ६२ किलो गाँजासहित दुई जना पक्राउ

सीएमसीद्वारा कैलाशमा निःशुल्क स्वास्थ्य शिविर, ३८३ जनाले लिए सेवा