काठमाडौँ । प्रमुख प्रतिपक्ष दल नेपाली कांग्रेसले आज देशभर शक्ति प्रदर्शन गर्ने भएको छ । मास्क र भौतिक दूरी अनिवार्य कायम गर्दै कांग्रेसले सोमबार ७७ जिल्लामै सरकारविरुद्ध प्रदर्शन गर्ने भएको हो । कांग्रेसले सरकार सर्वसत्तावादको बाटोमा गएको, वरिष्ठ नेता रामचन्द्र पौडेलमाथि तनहुँमा प्रशासन र नेकपाले गरेको अवरोध, भ्रष्टाचार बढेको र कोरोना नियन्त्रण गर्न सरकार असफल रहेकोमा विरोध प्रदर्शन गर्न लागेको हो । विभिन्न जिम्मेवारीसहित देशव्यापी विरोध प्रदर्शनका लागि शीर्ष नेताहरुलाई देशैभर खटाइएको छ । सोतका अनुसार सभापति शेरबहादुर देउवाले हेटौंडाको प्रदर्शनलाई सम्बोधन गर्ने कार्यक्रम छ । यस्तै, वरिष्ठ नेता रामचन्द्र पौडेलले काठमाडौं, उपसभापति विमलेन्द्र निधिले भक्तपुर, महामन्त्री शशांक कोइरालाले विराटनगर, कोषाध्यक्ष सीतादेवी यादवले ललितपुरको कार्यक्रमलाई सम्बोधन गर्ने कार्यक्रम छ। सहमहामन्त्री प्रकाशशरण महत झापा, पूर्वउपसभापति गोपालमान श्रेष्ठ काभ्रे, पूर्वमहामन्त्री प्रकाशमान सिंह धनुषा र कृष्णप्रसाद सिटौला महोत्तरीको कार्यक्रममा सहभागी हुनेछन् भने गगन थापाले कैलालीको कार्यक्रमलाई सम्बोधन गर्नेछन् ।

यस्ता छन् विरोध प्रदर्शनका नाराहरु(

१, संघीय लोकतान्त्रिक गणतन्त्र नेपाल – जिन्दावाद जिन्दावाद
२, नेपाली कांग्रेस –जिन्दावाद जिन्दावाद
३, सर्वसत्तावादी ओली सरकार – मुर्दावाद मुर्दावाद
४, तनहुँमा भएको दुर्व्यवहार – अपमान र अत्याचार
५, बढ्यो महिला हिंसा र बलात्कार – अकर्मण्य भो ओली सरकार
६, चारैतिर भ्रष्टाचार – जनताले चिन्यो ओली सरकार
७, अति भो अति भो – मुलुककै छवि क्षति भो
८, जनता कोरोनाको मारमा – नेकपा सत्ताको जितहारमा
९, औषधि छैन, मल छैन – सत्ताको लडाई लाज छैन रु
१०, नेपाली कांग्रेस जिन्दावाद – लोकतान्त्रिक समाजवाद जिन्दावाद

 

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै

उत्कृष्ट नतिजा दिलाउने अङ्कुरम् एकेडेमीका विषयगत शिक्षक सम्मानित