काठमाडौँ । चिनियाँ कम्युनिष्ट पार्टीका अन्तराष्ट्रिय विभाग उपमन्त्री गुओ यझाउ आज नेपाल भ्रमणमा आउँदै छन् । सत्तारूढ दल नेकपा औपचारिक विभाजनको अन्तिम संघारमा रहेको बेला चिनियाँ विदेश मन्त्रालयका उपमन्त्री यझाउ नेतृत्वको एक उच्चस्तरीय प्रतिनिधिमण्डल नेपाल भ्रमणमा आउन लागेको हो । उनीहरु नेपालको राजनीतिक घटनाक्रमबारे जानकारी लिने उद्देश्यले आउन लागेको स्रोतले बताएको छ ।
चीनले नेपालमा स्थिरता, सुशासन र विकासका लागि नेकपाको झन्डै दुईतिहाइ जनमतको सरकार आफ्ना लागि पनि भरपर्दो शक्ति हुने विश्वाससाथ सम्बन्ध विकास गरेर लैजान चाहेको थियो । सोही कारण पनि नेकपाभित्रको विवादलाई उसले सोहीअनुसार नै हेर्दै आएको छ । यस नेपाल भ्रमणलाई निकै चासोपूर्वक हेरिएको छ ।
उपमन्त्री यझाउ नेतृत्वको प्रतिनिधिमण्डलले भ्रमणका क्रममा प्रधानमन्त्री केपी शर्मा ओली, नेकपाका अध्यक्ष पुष्पकमल दाहाल ‘प्रचण्ड’, माधवकुमार नेपाललगायत नेताहरुलाई भेट गर्ने कार्यक्रम रहेको छ । उनीहरुको भ्रमण नेपालस्थित चिनियाँ राजदूत हाउ यान्छीले मिलाएकी हुन् ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.