चितवन । नेपाली काङ्ग्रेसका नेता प्रकाशमान सिंहले प्रधानमन्त्री केपी ओली निर्वाचन हुनेमा आँफै विश्वस्थ नरहेको बताउनुभएको छ । ४५ औं राष्ट्रिय एकता तथा मेलमिलाप दिवसको सन्दर्भमा नेपाली काङ्ग्रेस चितवनले आज यहाँ आयोजना गरेको “राष्ट्रिय मेलमिलाप नीति र वी.पी. कोइराला” बिषयक एक दिवसीय प्रबचन कार्यक्रममा बोल्दै उहाँले अलोकतान्त्रीक निर्णय भएकाले ओलीलाई समेत निर्वाचन हुनेमा विश्वस्थ हुन सक्नु भएको छैन । संबिधानमा नभएको अधिकारको प्रयोग गरेर सरकारले देशलाई राजनैतिक अन्धकार तर्फ धकेलेको उहाँको आरोप थियो । अहिलेको समयमा काङ्ग्रेस जिम्मेवार वन्नुपर्ने भन्दै उहाँले राजनैतीक अस्थिरता अन्त्यका लागि काम गरेर देखाउने समय आएको बताउनुभएको हो । अहिलेको राजनैतिक अस्थिरताको अन्त्यका लागि काङ्ग्रेस जिम्मेवार भएर काम गर्नु आबश्यक रहेको उहाँको भनाई थियो ।
उहाँले भन्नुभयो “राजनैतीक उतारचडाप हुँदा काङ्ग्रेसले वागडोर सम्मालेको हो । अहिले फेरी त्यो काम गर्नु आबश्यक छ।” अहिले संबिधानको मर्म बिपरित सरकार अघि वढेकाले अस्थिरता वढेको उहाँले बताउनुभयो । यसका लागि काङ्ग्रेसले संबिधानको मर्मलाई ख्याल गर्दै अघि वढ्नु आजको आबश्यकता रहेको सिंहले बताउनुभयो । “सरकारले संसद भंग गर्नु संबिधान बिपरित हो ।” उहाँले भन्नुभयो । अहिले आफ्नो नेतृत्वमा वनेको संबिधानको रक्षाका लागि काङ्ग्रेस लाग्नु आबश्यक रहेको उहाँको भनाई थियो । राष्ट्र, प्रजातन्त्र, संबिधान जोगाउनका लागि जिम्मेवार वन्नु पर्ने भन्दै उहाँले भन्नुभयो “अहिले जनताले स्थिरताका लागि नेकपालाई स्पष्ट बहुमत दिएको हो तर त्यो पुरा भएन ।
” वि. सं. २०३३ सालमा वी. पी. सहितका नेताहरु राष्ट्रको हितका लागि आँफुमाथि ८ वटा मुद्धा हुँदा पनि नेपाल आएको स्मरण गर्दै उहाँले अहिले राष्ट्रप्रति जिम्मेवार नेतृत्व नभएको बताउनुभयो । जनताका लागि वनेको पार्टीले अहिले जनताको पक्षमा काम गर्न नसकेको र महाधिबेशन समेत हुन नसक्नु गलत भएको उहाँको भनाई थियो । पार्टी नेतृत्वले सहि समयमा सहि निर्णय लिनु पर्ने भन्दै उहाँले अहिलेको अबस्थामा पार्टीले निर्णय लिन नसक्नु कम्जोरी भएको बताउनुभयो । पार्टीको महाधिबेशन फागुनमा हुन नसक्ने भन्दै उहाँले संबिधान अनुसार बैधानिकतालाई ख्यालमा राख्दै महाधिबेशन गराउनु पर्ने बताउनुभयो । कार्यक्रममा नेपाली काङ्ग्रेसका केन्द्रिय सदस्य वद्री पाण्डेले कम्युनिष्ट शासनले देशलाई वन्धक वनाएको बताउनुभयो । स्वयच्छाचारीता, सर्वसत्ताबादको उत्कषको रुपमा संसद विगठन रहेको उहाँको भनाई थियो । उहाँले भन्नुभयो “काङ्ग्रेसले संबिधान अनुसार हुने निर्वाचन चाहन्छ । 
असंबैधानीक होइन ।” संबिधानको रक्षा गर्ने बिषयमा काङ्ग्रेस अघि वढ्नु पर्ने उहाँको भनाई थियो । एकता र विश्वासको बातावरण भएमा काङ्ग्रेसले संबिधान बिरोधि शक्तिलाई ठाउँमा ल्याउन सक्ने उहाँले बताउनुभयो । केपि ओलीले प्रचण्ड मिलाउने सकेनन् भन्दै उहाँले अब काँग्रेस त्यो मिलाउन सक्ने तागद राख्ने उहाँले बताउनुभयो । पार्टी शक्तिशालि र वलियो बनाउनका लागि सबै एक हुनु आबश्यक छ रहेको उहाँले बताउनुभयो । नेपाली काङ्ग्रेस चितवनका सभापति जीतनारायण श्रेष्ठको अध्यक्षतामा सम्पन्न कार्यक्रममा नेपाल महिला संघकी केन्द्रिय अध्यक्ष उमा रेग्मी, नेपाली काङ्ग्रेस चितवनका उपसभापति कैलाश कोइराला लगाएतले बोल्नु भएको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.