रत्ननगर प्रहरीको सफलता : पुरानो मुर्ति चोरीमा संलग्न जनप्रतिनिधि सहित तीन जना पक्राउ

शनिबार, पुष १८, २०७७ मा प्रकाशित

चितवन । चितवनमा बुद्धको मुर्ति सहित तीन जना पक्राउ परेका छन् । रत्ननगरपालिका वडा नम्बर १२ जिरौना बस्ने ४७ बर्षिय ठुलो कान्छा तामाङ, सोही ठाउँका २७ बर्षिय सुरज तामाङ र वडा नम्बर ११ मंगलपुरका ४७ बर्षिय सरोज बहादुर योञ्जन पक्राउ परेका हुन् । रत्ननगरपालिका वडा नम्बर १२ जिरौना स्थित जहारसिंह तामाङको घरमा प्राचिन पुरातात्विक महत्वको मुर्ति बिक्री प्रयोजनका लागी घरमा लुकाइछिपाई राखेको अवस्थामा उक्त मुर्ति फेला परेका हुन् । वागमती प्रदेश प्रहरी कार्यालय र इलाका प्रहरी कार्यालय रत्ननगर टाँडीको संयुक्त टोलीले उक्त मुर्ति सहित उनिहरुलाई पक्राउ गरिएको इलाका प्रहरी कार्यालय रत्ननगर टाँडीका प्रमुख समेत रहेका डिएसपी रविन कार्कीले जानकारी दिनुभयो । प्रहरी निरिक्षकहरु प्रकाश शाह र रोशन खड्काको कमाण्डमा खटिएको प्रहरी टोलीले उनिहरुलाई पक्राउ गरेका हुन । १६ गते पक्राउ परेका उनिहरुलाई जिल्ला अदालतबाट सात दिनको म्याद थप अनुमति लिई थप अनसुन्धान भइरहेको उहाँले बताउनुभयो । अन्दाजी १०० वर्ष पुरानो पुरातात्विक महत्वको बुद्धको जस्तो देखिने पित्तलको उक्त मुर्ति(रेम्वोच) २७.८२० केजी तौल भएको प्रहरीले जनाएको छ । पक्राउ परेका मध्ये जनप्रतिनिधि समेत रहेका छन् ।