काठमाडौं । हाल देशभरको मौसममा पश्चिमी वायुको प्रभाव कायमै रहेको छ । जस अनुसार हाल देशभरको मौसममा आंशिकदेखि सामान्य बदली रहेको छ । आज काठमाडौंका न्युनतम तापक्रम ६ डिग्री सेल्सियस रहेको छ भने अधिकतम तापक्रम २३ डिग्री सेल्सियस पुग्ने जल तथा मौसम विज्ञान विभागले जनाएको छ । त्यसैगरी काठमाडौंको बायुको प्रदुषण अझै पनि अस्वस्थ तहमा रहेको छ ।

एक्विकएन डट ओआरजीका अनुसार आज विहान ५ बजे काठमाडौंको बायुको प्रदुषणको मात्रा १९० मापन गरिएकाे छ । बायु प्रदुषण मापनका हिसाबले ० देखि ५० लाई राम्रो, ५१ दखि १०० लाई मध्यम, १०१ देखि १५० लाई केही निश्चित समुहका लागि अस्वस्थ, १५१ देखि २०० लाई हरेक मानिसलाई असर पार्न सक्ने अवस्थाको अस्वस्थ मानिन्छ ।

त्यसैगरी २०१ देखि ३०० को अवस्थालाई अत्यन्तै अस्वस्थ र ३०१ देखि माथीको अवस्थालाई खतरनाक अर्थात स्वास्थ्य संकटको अवस्था मानिन्छ । आज दिउँसो देशको सुदूरपश्चिम प्रदेश र कर्णाली प्रदेशको मौसममा सामान्य बदली हुने सम्भावना रहेको छ । त्यस्तै देशका बाँकी प्रदेशहरुको मौसममा आंशिक बदली रहने सम्भावना देखिएको छ ।

सुदूरपश्चिम प्रदेश र कर्णाली प्रदेशका केही स्थानहरुमा हल्का वर्षाको सम्भावना रहेको छ । त्यस्तै देशका उच्च पहाडी तथा हिमाली भू–भागका एक, दुई स्थानमा हल्का हिमपातको सम्भावना रहेको विभागले जनाएको छ । आज राति देशका पहाडी भू–भागको मौसममा आंशिक बदली रहने सम्भावना देखिएको छ । साथै एक, दुई स्थानहरुमा हल्का वर्षाको सम्भावना पनि रहेको छ ।

पश्चिमी उच्च पहाडी तथा हिमाली भू–भागका एक, दुई स्थानमा हल्का हिमपातको सम्भावना रहेको जल ताथा मौसम विज्ञान विभागले जनाएको छ ।

आगामी तीन दिन देशका अधिकांश स्थानमा मौसम सफा रहने

तीन महिनामा २० हजारभन्दा बढीले गरे पाथीभराको दर्शन, ३३ लाख २६ हजार भेटी संकलन

बाढी प्रभावित ऋणीलाई बैंकको किस्ता तिर्न पुस मसान्तसम्मको समय