अवस्था असहज भएकाले बैंकबाट ल्याएको ऋणको ब्याजको विषयमा सरकारले ध्यान दिनु पर्ने केरा उत्पादक किसानले माग गरेका छन् ।

प्रमुख जिल्ला अधिकारी नारायणप्रसाद भट्टराइले केरा, फलफूल, तरकारीको साना गाडीलाई वारीबाट बजारसम्म ल्याउन दिने व्यवस्था मिलाएको जानकारी दिनुभयो । धेरै संख्यामा मजदुर लैजादा, सबैले सवारी साधन लैजादा रोगको संक्रमण फैलन सक्ने भएकाले केही असहजता आएको बताउनु भयो । भिड नगरी आफ्नो सामग्री बजार लैजान दिने व्यवस्था गरेको उहाँको भनाई छ ।

केरा उत्पादन संघको तथ्यांक अनुसार जिल्लामा तीन हजार बिगाह भन्दा बढीमा केराखेती हँुदै आएको छ । संघमा मात्रै ७०० कृषक आबद्ध छन् । यहाँबाट गतवर्ष मात्रै रु १ अर्ब ५० करोड बराबरको केरा निकासी भएको संघले जानकारी दिएको छ ।

दुई बर्ष अघि हावाहुरी र असिनाले यहाँ लगाईएको केरा नष्ट गरेको थियो । त्यसको ऋण कृषकले तिर्न नपाउँदै थप नोक्सानी बेहोर्नु परेको हो । यहाँको केराको मुख्य बजार राजधानी काठमाडौं सहित देशका प्रमुख सहरहरु हुन् ।