नवलपुर । जनता समाजबादी पार्टी नेपालले आज नवलपरासीपूर्व कावासोतीमा संसद विघटनको विरुद्ध प्रदर्शन गरेको छ । पौष ५ गते प्रधानमन्त्री ओलीको सिफारिसमा राष्ट्रपति बिद्यादेबी भण्डारीले संसदको प्रतिनिधि सभा बिघटन गरेको बिरोधमा जसपाले कावासोतीको फलफूल चोकमा गरेको बिरोध कार्यक्रमलाई सम्बोधन गर्दै जसपा केन्द्रिय सदस्य मोती रिजालले प्रधानमन्त्री केपी शर्मा ओलीले देशलाई गलत ट्र्याकतर्फ धकेलेको आरोप लगाउनुभयो ।

संसद विघटन गरेर प्रधानमन्त्रीले देशलाई कालो सुरुङतिर धकेलेको उहाँको भनाइ छ । वहाँले सँबिधान २०७२ मा भएका ब्यवस्थालाई मिचेर सँबिधान बिरोधी कार्य गरिएकोमा आक्रोश पनि ब्यक्त गर्नुभयो ।सँबिधानमा भएका कतिपय राम्रा कुरालाई कार्यान्वयन गरेर देशलाई समृद्धितर्फ डो¥याउनुपर्नेमा ओलीले उल्टै संविधान नै च्यात्ने काम गरेको रिजालको आरोप छ । जनता समाजबादी पार्टी नेपाल गण्डकी प्रदेश अध्यक्ष समेत रहनु भएका नेता रिजालले सत्ता सञ्चालन गर्दैै आएका कुनैपनि दल ठिक नभएको बताउनुभयो ।

अहिले नेकपाले गलत गर्दा काँग्रेस राम्रो हो कि भन्ने सोँच्नु गलत भएको वहाँको भनाइ थियो । राजा, काँग्रेस सबैले सत्ता सञ्चालन गर्ने मौका पाएको तर कुनैले पनि जनभावना अनुरुप काम गर्न नसकेको वहाँले बताउनुभयो । पुराना शक्ति अव बिफल भैसकेकोले जनताले अव सही र नयाँ राजनीतिक शक्तिलाई सत्तामा पु¥याउनुपर्ने खाँचो रहेको नेता रिजालको भनाइ छ ।

जसपा नवलपुरका अध्यक्ष धनवहादुर गुरुङको अध्यक्षतामा भएको विरोध सभामा राप्रपा नवलपुरका जिल्ला अध्यक्ष ओम नारायण थनेत, जसपा संघीय परिषद्का सदस्य छविलाल राना लगायतले सम्वोध गर्नुभएको थियो । बिरोध सभाअघि आयोजित ¥यालीमा प्रतिनिधि सभा पुर्नस्थापना गर् , असंवैधानिक र अलोकतान्त्रिक कदम खारेज गर्, थारु नेताहरुप्रति लगाइएको गलत मुद्दा खारेज गर् जस्ता नाराहरु लगाइएको थियो ।

अर्को साता वर्षाको सम्भावना, अहिल्यै त्रसित नहुन मौसमविद्को आग्रह

तिब्बतमा ७ म्याग्निच्युडको भूकम्प, १६ जनाको मृत्यु

आगामी तीन दिन देशका अधिकांश स्थानमा मौसम सफा रहने