चितवन । चितवनमा सवारि दुर्घटनाबाट ज्यान गुमाउनेको सँख्या बिगतको तुलनामा कम देखिएको छ । चालु आव २०७७/७८ को ७ महिनामा चितबनमा ३ सय ९८ वटा सवारीसाधन दुर्घटनामा हुँदा ७२ जनाको मृत्यु भएको छ भने २ सय ४ जना गम्भिर घाइते भएका छन् । त्यस्तै २ सय २६ जना सामान्य घाइते भएका छन् ।

भने गत आ व ०७६/०७७ मा कुल २ सय ६१ सवारि दुर्घटनामा ४ सय २१ सवारि संलग्न हुदा १ सय ७ जनाको मृत्यु भएको थियो । त्यस्तै १ सय ६५ गम्भीर तथा ३ सय २१ सामान्य घाइते भएका थिए । चालु आवमा कोभिडको कारण गरिएको लकडाउन हुन सक्ने ट्राफिक प्रहरीले बताएको छ ।विशेष गरि दुर्घटनामा चालक, पैदलयात्रु, सडकको अबस्था, वातावरण जस्ता कुराहरुले प्रत्यक्ष असर गरिरहेको हुन्छ ।सवारीसाधन दुर्घटना बढ्दै जानुको मुख्य कारण चालकको लापरवाही, यात्रुको गल्ती, उछिन्ने काम, तीव्रगति, मादकपदार्थ सेवन, यान्त्रिक गडबडी, बढी गहरुङगो सामानका कारण बढी दुर्घटना हुने गरेको जिल्ला ट्राफिक प्रहरी कार्यालय चितबनले जनाएको छ।

विशेष गरि दुर्घटनाबाट ज्यान गुमाउनेमा महिलाभन्दा पुरुष बढी रहेको जिल्ला ट्राफिक प्रहरी कार्यालय चितबन प्रमुख दयाकृष्ण भट्टले बताउनुभएको छ । उहाँका अनुसार ७ महिनामा सवारी दुर्घटनाबाट ज्यान गुमाउनेमा ५७ जना पुरुष छन् भने ११ जना महिला १ बालक ३ बालिका रहेका छन्। सवारी चलाउनेमा महिलाभन्दा पुरुषको संख्या उच्च रहेकाले पुरुषको मृत्युदर महिलाको भन्दा बढी भएको भट्टको भनाइ छ। उहाँले पुर्वी चितवनको गोन्द्राङ् देखि लोथर सम्मको सडकमा धेरै दुर्घटना हुने गरेको बताउनुभयो ।

उहाँका अनुसार मोटरसाइकल, ट्रक, टिपर, जीप, कार, ट्र्याक्टर बढी दुर्घटना हुने गरेको छ । सडक, भौतिक पूर्वाधारको कमी र तीव्र गतिका कारण चितवनमा सवारीसाधन दुर्घटनामा वृद्धि भएको बताउनुभयो । “चालकलाई ट्राफिक ज्ञान नहुँदा पनि चितवनमा दुर्घटना बढेको हो”, उहाँ भन्नुभयो ।यान्त्रिक गडबडीले पनि पछिल्लो समय धेरै दुर्घटना भएको उहाँले बताउनुभयो । यान्त्रिक तथा मानवीय कारण बाहेक सडकको समस्याले पनि सवारी दुर्घटना हुँदै आएको छ। चितवनको सवारी दुर्घटनालाई कम गर्न विभिन्न समय विभिन्न किसिमका जनचेतनामूलक कक्षा सञ्चालन, तीव्र गतिमा गुड्ने सवारीसाधनलाई सीमित गति, लगायत काम गर्दै आएको छ ।

सडकहरुको निर्माण मर्मतलाई प्राथमिकता प्राप्त आयोजनाको रुपमा राखी कार्य प्रभावकारी बनाउनु पर्छ । दुर्घटना न्यूनीकरणको लागि प्रहरी सधै क्रियाशील रहेपनि प्रहरी एक्लैको प्रयासले त्यति सम्भव देखिएको छैन । त्यसको लागि प्रहरी मात्र नभएर समाजका सबै सरोकारवाला निकायहरु दुर्घटना न्यूनीकरणको लागि लाग्न आवश्यक भैसकेको छ । उहाँले दुर्घटना न्यूनीकरणको लागि सडकमै प्रशिक्षण लिने , विभिन्न सचेतना मुलक स्टिकर टास्ने , चालकलाई सम्झाउने खालको कार्यक्रम संचालन भईरहेको बताउनुभयो।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह