चितवन । भरतपुर कोरोना अस्पतालको विषयमा जिल्ला प्रशासन कार्यालयले छानबिन प्रक्रिया अगाडि बढाएको छ । प्रमुख जिल्ला अधिकारी नारायणप्रसाद भट्टराईले भरतपुरको कोरोना अस्पतालको विषयमा छानबिन प्रक्रिया अघि बढिसकेको बताए ।
उनले भने, ‘अस्पतालको विषयमा जति कुरा बाहिर आइरहेका छन् त्यो वास्तवमा के हो त ? छानबिन पछिमात्रै थाहा हुन्छ ।’ प्रजिअ भट्टराईले भने, ‘अहिले दिन तोक्न सकिँदैन, जतिसक्दो छिटो छानबिन प्रक्रियाको टुङ्गो लगाउँछौँ, काम गर्दै जाँदा कति दिन लाग्छ, हेरौँ ।’
कोरोना नियन्त्रण कार्यदलले बनाएको छानबिन समितिका संयोजक उद्योग संघका अध्यक्ष राजु पौडेलले सो ठाउँमा रहेर काम गर्न नसक्ने जनाएपछि भरतपुर अस्पतालले छानबिन गर्न जिल्ला प्रशासन कार्यालयलाई आग्रह गरेको थियो । यद्यपि, नेपाली कांग्रेस चितवनले पनि निष्पक्ष छानबिनका लागि प्रमुख जिल्ला अधिकारी भट्टराईलाई यसअघि नै ज्ञापन पत्र बुझाएको थियो । कोरोना नियन्त्रण कार्यदलले बनाएको तीन सदस्यीय छानबिन समितिको विषयमा कार्यदलको बैठकले नै निर्णय गर्ने प्रजिअ भट्टराई बताउँछन् ।
‘यो छानबिन समिति के हुन्छ अहिले म यसै भन्न सक्दिनँ, कार्यदलको बैठकले नै निर्णय गर्नेछ ।’ नेकपा चितवनका अध्यक्ष यमबहादुर परियारले प्रशासनले छानबिन गर्ने भनेपछि कार्यदलले बनाएको छानबिन समिति सक्रिय नरहन सक्ने बताए । उनले भने, ‘प्रशासनले छानबिन गर्ने भएको छ, अख्तियारले कागजात लिएको छ जसका कारण कार्यदलको छानबिन समिति सक्रिय नरहन सक्छ, तर यस विषयको निर्णय कार्यदलको बैठकमा नै हुन्छ ।’
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.