आयुष आयुर्वेदा हस्पिटलद्वारा एकदिने निःशुल्क स्वास्थ्य शिविर सम्पन्न

आइतबार, चैत ०१, २०७७ मा प्रकाशित

चितवन । आयुष आयुर्वेदा हस्पिटल प्रा.लि को आयोजनामा एकदिने निःशुल्क स्वास्थ्य शिविर आइतबार सम्पन्न भएको छ । राष्ट्रिय आधरभुत विध्यालयको स्वास्थ्य केन्द्रको भवनमा सम्पन्न निशुल्क स्वास्थ्य शिविरमा करिब ३५० जना भन्दा धेरैले निशुल्क स्वास्थ्य लाभ लिएका थिए । शिविरमा पुरुष भन्दा महिलाहरुको संख्या धेरै रहेको थियो ।

शिविरमा झन्डै ३०० भन्दा धेरै महिलाहरुले स्वास्थ्य लाभ लिएको कार्यक्रम संयोजक तथा वडा न. ५ का वडा सदस्य दामोदर सुबेदिले जानकारी दिनु भयो । कार्यक्रममा भरतपुर महानगरपालिका वडा न. ५ का वडा अध्यक्ष पदमपाणी सुवेदी , कार्यक्रम संयोजक तथा वडा न. ५ का वडा सदस्य दामोदर सुबेदि, सभापति बालकृष्ण तिवारी लगायतको सहभागीता रहेको थियो , शिविरमा २ जना आयुर्वेदिक चिकित्सकहरुबाट निःशुल्क स्वास्थ्य परिक्षण गरिएको थियो ।

शिविरमा मधुमेह, रगत जाच , हाडजोर्नी तथा नशा रोग, बाथरोग, पाइल्स, पिनास ,पत्थरि लगायतका अन्य रोगहरुको निःशुल्क चेकजाँच गरिएको थियो । साथै शिविरमा रोग देखा परेका बिरामीहरुलाई निःशुल्क औषधि वितरण समेत गरिएको थियो । पछिल्लो समय आम मानिसहरुको आयुर्वेद प्रती बिस्वस्नियता बढदै गए पनि प्रचारप्रसारको अभावको कारणले गर्दा यस तर्फ मानिसहरुको आकर्षण घटेको आयुष आयुर्वेदा हस्पिटल प्रा.लि का प्रबन्धक निर्देशक अब्दुल रहमान मियाले जानकारी दिनुभयो ।

धेरै प्रकारका जटिल मानिएका रोगहरु समेत आयुर्वेदिक पद्धतिद्वारा सफल उपचार हुने भन्दै यस विधि प्रती जनचेतना जगाउन समेत मियाले आग्रह गर्नुभयो । आयुष आयुर्वेदा हस्पिटलले चितवनमा नै सबै भन्दा अत्याधुनीक प्रबिधीमार्फत पन्चकर्म ,फिजियोथेरापी, लगायत अन्य बिधिमार्फत समेत उपचार गर्दै आएको छ । सामाजिक जिम्मेवारी बहन गर्दै निःशुल्क स्वास्थ्य शिविरको आयोजना गरिएको र आगामी दिनहरुमा पनि यस्ता शिविरहरु संचालन गरिने निर्देशक मियाले जानकारी दिनुभयो ।