चितवन  । पूर्वी चितवनको रत्ननगर नगरपालिकाले पूर्व पश्चिम राजमार्ग अन्तर्गत टाँडीचोकमा आकाशेपुल निर्माण सुरु गरेको छ । २ करोड ४२ लाख ४ हजार ५३३ रुपैयाको लगानीमा निर्माण सम्पन्न हुने सो आकाशेपुलको विहीवार मेयर नारायण वन र उपमेयर विमला दुवाडीले सयुक्त रुपमा शिलान्यास गरेका छन । गत फागुन महिनामा सम्झौत गरिएको सो आकाशेपुलको लकडाउनको मौका छोपेर निर्माण कार्य सुरु गरिएको हो । प्रदेश सरकारको एक करोड र नगरपालिकाले चालु आर्थिक बर्षमा विनियोजन गरेको एक करोड ४२ लाखको लगानीमा आकाशेपुल निर्माण हुने इन्जिनियर पंकज गिरीले जानकारी दिए । सरकारले आन्तरिक जनशक्ति र श्रोतको परिचालन गरी निर्माणको काम गर्न दिने घोषणा गरेपछि सो नगरपालिकाले आकाशेपुल निर्माण सुरु गरेको हो । नगरपालिकाले आकाशेपुल निर्माण हुने स्थन वरपर विजुलीको तार भूमिगत गर्ने छ । त्यसका लागि ४० लाख रुपैया विनियोजन गरिएको छ । आकाशेपुल निर्माणको लागि भरतपुर स्थित हिम सगरमाथा कन्स्ट्रक्सन प्रा.लि.ले ठेक्का पारेको छ । दुबै तर्फबाट आवत जावत गर्न मिल्ने गरी ४० मिटर लम्वाई र साढे ५ मिटर उचाइ रहेको आकाशेपुल निर्माण हुने छ । यहाँ नेपालमै पहिलो पटक स्टीलका सामाग्रीहरु प्रयोग गरेर सो पुल निर्माण गर्ने नगरपालिकाका प्रबक्ता राजेन्द्र हमालले जानकारी दिए । आकाशे पुललाई अपाङ्गमैत्री बनाउन लिफ्ट जडान गर्ने योजना रहेको उनले बताए । आकाशेपुल निर्माणको लागि २०७६ फागुन २ गते सम्झौता गरिएको र २०७७ असार २४ गते भित्र सम्पन्न गर्नुपर्ने छ । आकाशेपुल चालु आर्थिक बर्षको महत्वपूर्ण आयोजना भएको र निर्धारित समयमै निर्माण सम्पन्न गर्ने योजना रहेको मेयर नारायण वनले बताए । शहरीकरणको विस्तार,सवारी दुर्घटना न्यूनीकरण र नगरलाई विकासको उचाइमा पु¥याउन आकाशेपुल निर्माण सुरु गरिएको मेयर वनले बताए । सो नगरपालिकाले टाँडीचोक,सौराहाचोक र बकुलहर चोका आकाशेपुल निर्माण गर्ने योजना बनाएको थियो । अर्को बर्ष सौराहाचोकमा आकाशेपुल निर्माण सुरु हुने छ । शिलान्यास कार्यक्रममा नेकपाका नगर अध्यक्ष कुलप्रसाद लामिछाने,नेपाली काँग्रेसका नगर सभापति रुपनराज घिमिरे,वडाध्यक्षहरु तिलकराज शर्मा,शंकरसिह तामाङ,गुप्तनाथ भट्टराई,रविन्द्र चौधरी,विनोद बस्नेत,केशव आचार्य,हरिकुमार श्रेष्ठ,हेमरान थापा,कार्यपालिका सदस्य मीना गिरी लगायतको सहभागिता रहेको थियो ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै