चितवन । आँफुलाई राष्ट्रिय अनुसन्धानको उपअनुसन्धान निर्देशक (एसपि) भएको बताउँदै ठगी गर्ने एक जनालाई प्रहरीले पक्राउ गरेको छ । जिल्ला प्रहरी कार्यालय चितवनका प्रमुख प्रहरी उपरिक्षक ओम प्रसाद अधिकारीका अनुसार पक्राउ पर्नेमा धादीङको त्रिपुरा सुन्दरी घरभएका ४५ वर्षिय वुद्धिप्रसाद पन्त रहेका छन् । उनलाई प्रहरीले बुधबार राती पक्राउ गरेको जानकारी दिएको छ ।

उनलाई खैरहनी नगरपालिका वडा नम्बर ८ मा रहेको होटलबाट पक्राउ गरिएको जिल्ला प्रहरी कार्यालय चितवनले जानकारी दिनुभयो । उनले आँफुलाई राष्ट्रिय अनुसन्धानको एसपि भएको बताउँदै स्थानीयसंग रकम उठाउने, बिभिन्न काम गरिदिने प्रलोभनमा पारेर ठगी गर्ने गरेको उहाँले बताउनुभयो ।

अधिकारीका अनुसार उनी यस अघि राष्ट्रिय अनुसन्धानको सूचकको रुपमा रहेर काम गरेका व्यक्ति हुन । काम छोडेर भागेका ती व्यक्ति ठगीमा लागेको उहाँले जानकारी दिनुभयो । पक्राउ परेका पन्तलाई म्याद थप गरी अनुसन्धान सुरु गरेको छ ।

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’

चितवनमा तीन महिनामा तीन हजारभन्दा बढीले लिए वंशजका आधारमा नागरिकता