चितवन ।  नेपाल प्रेस युनियन चितवनले आसन्न पत्रकार महासंघको चुनावका लागि साझा उम्मेदवार घोषणा गरेको छ । आज बसेको प्रेस युनियन चितवनको भेलाले प्रेस युनियन चितवनका निवर्तमान अध्यक्ष नारायण प्रसाद अधिकारीलाई महासंघ चितवनको अध्यक्षको उम्मेदवार बनाउने औपचारिक निर्णय गरेको हो ।

अधिकारी महासंघ चितवन शाखाको वर्तमान उपाध्यक्ष समेत हुनुहुन्छ । महासंघ चितवनकका वर्तमान अध्यक्षसंगै अग्रमोर्चामा रहेर पत्रकारको दुर्घटना विमा, अक्षयकोष निर्माण, क्षमता विकास तालिम लगायतका काम गरेर चितवनका पत्रकारको मन जितिसक्नुभएको छ । दुई दशकदेखि राष्ट्रिय समाचार समिति चितवन प्रमुख रहनुभएका अधिकारी चितवनको पत्रकारीतामा लोकप्रिय व्यक्तिका रुपमा चिनिनुहुन्छ ।

भरतपुर– ११ निवासी अधिकारीले केही सन्चार माध्यममा सफल व्यवस्थापकीय जिम्मेवारि पूरा गरिसक्नुभएको छ । हाम्रो एफएमको स्टेसन म्यानेजर, कायाकैरन दैनिकको संस्थापक प्रधान सम्पादक हुनुहुन्थ्यो । युनियन चितवनका अध्यक्ष अनिल ढकालले सक्षम नेतृत्वका रुपमा अधिकारीलाई साझा उम्मेद्वार घोषणा गरिएको बताउनुभयो ।

पत्रकार महासंघका केन्द्रीय सदस्य सृजना अर्यालले पत्रकार हकहितमा दुई दशक बढी सक्रिय अधिकारीले चितवनका सबै पत्रकारलाइ एक्यवद्ध बनाउन सक्ने बताउनुभयो । युनियनका केन्द्रीय सदस्य बसन्त पराजुलीले चितवनको महासंघको नया नेतृत्वमा नारायण अधिकारीलाई जिताउन आव्हान गर्नुभयो ।

चितवनका अग्रज पत्रकार गणशेखर शर्माले नेतृत्वमा निखारिएका अधिकारीको जित सुनिश्चित रहेको बताउनुभयो । महासंघ चितवनका संस्थापक सदस्य तथा उपसभापति रमेशकान्त पौडेलले सबैलाइ मिलाएर लैजाने क्षमता भएका अधिकारीलाई साझा उम्मेदवार बनाइएकोमा खुशी व्यक्त गर्नुभयो ।

युनियन चितवनका सल्लाहकार पूर्णप्रसाद शर्मा, फोनिज चितवनका अध्यक्ष सन्दीपकुमार श्रेष्ठ, वरिष्ठ पत्रकार इश्वर जोशी, युनियनका पूर्व केन्द्रीय सदस्य शारदा पौडेलले नारायण अधिकारीलाई जिताउन चितवनका पत्रकार एकजुट हुन आव्हान गर्नुभयो । अधिकारी अध्यक्ष भएका बेला प्रेस युनियन चितवनले पत्रकारहरुका संघसंगठनकै पहिलो भवन बनाउने भूमिका निर्वाह गर्नुभएको थियो ।

समाजसेवी मैयादेवी श्रेष्ठले उपलब्ध गराउनुभएको वसेनीको जग्गामा करिव ६० लाख सहयोग जुटाएर प्रेस युनियन चितवनको भवन बनाउने कामको अगुवाइ गर्नुभएको थियो । प्रेस युनियन चितवनले जिल्लाका अन्य पत्रकार संगठनलाई नारायण अधिकारीको नेतृत्वमा नयाँ कार्यसमिति बनाउने गरि सहकार्य गर्न समेत आव्हान गरेको छ ।

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’

चितवनमा तीन महिनामा तीन हजारभन्दा बढीले लिए वंशजका आधारमा नागरिकता