चितवन । तुवाँलोका कारण भिजिबिलिटी कम हुँदा तीन दिनदेखि आजसम्म भरतपुर विमानस्थलका सबै उडान प्रभावित भएका छन् । बिहान समय तालिका पाएका यती र बुद्ध वायुसेवा कम्पनीका नियमित उडान प्रभावित भएको भरतपुर नागरिक उड्डयन कार्यालयले जनाएको छ ।

चितवनसहित देशका १७९ ठाउँमा वनमा डँडेलो लाग्दा भएको वायुप्रदुषणका कारणले शुक्रबारदेखि भरतपुरबाट पोखरा र काठमाडौँ उडान हुन नसकेको हो । नागरिक उड्डयन कार्यालय भरतपुरका प्रवन्धक योगेन्द्र कुँवरले बायु प्रदुषणले भिजिबिलिटी कम भएकोले कुनै पनि उडान गर्न नसकेको बताए ।

उनले भने, ‘ बुद्धका ९ उडान र यतीका ५ उडान गरी झण्डै ११ सय बढी हवाइ यात्रु प्रभावित भएका छन् ।’ उनले कहिले खुल्छ यसै भन्न नसकिने अवस्था रहेको जानकारी दिए । भरतपुरको नवजागृति वनलगायत चितवन आसपासका जिल्लामा वनमा डँडेलो लाग्दा फैलिएको धुँवाले वायुप्रदुषण बढेको छ ।

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’

चितवनमा तीन महिनामा तीन हजारभन्दा बढीले लिए वंशजका आधारमा नागरिकता