चितवन । कृषि तथा वन बिज्ञान विश्वविद्यालयको दोस्रो दिक्षान्त समारोह यही वैशाख १४ गते गर्न लागिएको छ ।  विश्वविद्यालयले आज ( आईतवार )पत्रकार सम्मेलनको आयोजना गरि बिभिन्न बिधामा पदक पाउने ४० बिद्यार्थी र सिनेट सदस्यहरु २३ जनाको भौतिक उपस्थिति हुने र अन्य दिक्षित हुने बिद्यार्थीहरुको सहभागिता भर्चुअल माध्यमबाट हुने जनाएको हो ।

विद्यालयका उपकुलपति प्रा.डा.पुण्यप्रसाद रेग्मीका अनुसार दोस्रो दिक्षान्त समारोहमा १ हजार २ सय ५७ जना बिद्यार्थी भर्चुअल माध्यमबाट सहभागी हुने बताउनुभयो । उहाँले स्नातक, स्नातकोत्तर र विद्यावारिधि तहका विद्यार्थीहरुलाई दिक्षीत गरिने जानकारी दिनुभयो ।

त्यस्तै विद्यालयकी रजिष्टार डा. शारदा थपलियाले स्नातक तहमा कृषि स्नातकबाट ५ सय १२ जना, वन विज्ञान स्नातकबाट २ सय २४ जना, पशु चिकित्सा स्नातकबाट १ सय ४० जना, मत्स्य विज्ञान स्नातकबाट ४४ जना सहभागी हुने जानकारी दिनुभयो । उहाँले स्नातकोत्तर तहमा कृषिका २ सय २५ जना, जैबिक प्रबिधिका ६ जना, वन विज्ञानका १४ जना, पशु विज्ञानका ३२ जना, पशु चिकित्साका ३८ जना, मत्स्य विज्ञानका ७ जना सहभागी हुने बताउनुभयो ।

उहाँले बिद्यावारिधि तर्फ १५ जना बिदार्थी सहभागी हुने बताउनुभयो । उहाँका अनुसार विश्वविद्यालयमा हाल ३ हजार ३ सय २३ जना बिद्यार्थी अध्ययनरत रहेका छन् । कृषि विश्वविद्यालयले नेपालको बिभिन्न स्थानमा रहेको ७ वटा कलेजलाई सम्बन्धन दिई पठनपाठन सञ्चालन गर्दै आएको उहाँले जानकारी दिनुभयो ।

दिक्षान्त समारोहमा प्रधानमन्त्री केपी शर्मा ओली, शिक्षा, विज्ञान तथा प्रबिधि मन्त्री कृष्णगोपाल श्रेष्ठ सहितका बिभिन्न व्यक्तित्वहरुको सहभागिता रहने छ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह