चितवन  । नारायणगढको लायन्सचोकबाट क्षेत्रपुर जाने बाटोतर्फ स्वाद पारखीका लागि स्पेनिस मोडल र विभिन्न परिकार सहित ‘प्याराडाइज बाई लि प्याराइसो’ रेष्टुरेण्ट एण्ड क्याफे सञ्चालनमा आएको छ । करीब ४ बर्षअघि यो क्याफे सञ्चालनमा आएपनि सेवा विस्तार र नयांँ व्यवस्थापन सहित आजबाट सञ्चालनमा ल्याइएको हो । यसअघि दुईजनाको साझेदारीमा क्याफे सञ्चालनमा आएपनि अबदेखि महेन्द्र विक्रम अधिकारीको एकल लगानीमा क्याफे सञ्चालनमा ल्याइएको छ ।

आज नारायणगढमा आयोजित पत्रकार भेटघाट कार्यक्रममा बोल्दै सञ्चालक अधिकारीले नयांँ व्यवस्थापन र थप गुणस्तरीय सेवा सहित क्याफे सञ्चालनमा ल्याईएको जानकारी दिए । उनका अनुसार क्याफेमा हालसम्म गरी ७५ लाख लगानी भईसकेको छ । बजार क्षेत्रका व्यवसायी तथा कार्यालयका कर्मचारीलाई लक्षित गरी क्याफे सञ्चालनमा ल्याईएको अधिकारीले बताए । 

‘भरतपुर र नारायणगढका व्यवसायी तथा सेवाग्राहीलाई लक्षित गरी यो क्याफे सञ्चालनमा ल्याएका हौं, उनले भने, हामीले सेवालाई विस्तार गर्दै टेकअवे र निःशुल्क होमडेलिभरीको पनि सुविधा दिएका छौं ।’ होटल म्यानेज्मेण्टमा स्नातक गरी चीनबाट इन्टर्नसीप गरी नेपालमै केही गरौ भन्ने उद्धेश्यका साथ क्याफे सञ्चालनमा ल्याईएको उनको भनाई छ । क्याफेमा बिशेष परिकारको रुपमा थकाली खाना, कन्टिनेन्टल, चाइनिज , इन्डियन परिकार पाईनेछ ।

सेवाग्राहीलाई थप मनोरञ्जन दिने उद्धेश्यले हरेक सांँझ लाईभ म्युजिकको व्यवस्था गरिएको छ । ‘हामीले यस क्याफेलाई विभिन्न भागमा वर्गीकरण गरेका छौं उनले भने , पूर्ण पारिवारिक वातावररणको साथै सबै उमेर समुहलाई लक्षित गर्दै खाना तथा कफीका विभिन्न स्वादको सेवा दिएका छौं ।’ एकैपटक ८० जनालाई सम्म सेवा दिनसक्ने यस क्याफेमा ८ जना कर्मचारी रहेको क्याफेका प्रबन्धक प्रतीक घिमिरेले बताए । अन्य रेष्टुरेण्टमा भन्दा फरक खालका परिकार र गुणस्तरीय सेवा दिइएकाले सेवाग्राहीको आकर्षण बढ्दै गएको घिमिरेको भनाई छ ।

कोरोनाको कहरका समयलाई मध्यनजर गरी क्याफेमा मास्क , सेनिटाइजर र सामाजिक दुरी कायम गरी स्वास्थ्य सुरक्षा मापदण्ड पालना गरी सञ्चालन गरिएको घिमिरेले बताए । निकट भविष्यमै चितवनका बसपार्कहरुमा टेकअवे सिष्टमको सेवा सहित क्याफे खोल्ने योजना रहेको सञ्चालक अधिकारीको भनाई छ ।

‘चाडैनै हामीले पोखराबसपार्क ,भरतपुर वसपार्कमा यसको शाखा स्वरुप टेकअवे सिष्टम सुविधा सहित क्याफे खोल्दैछौं उनले भने, हाम्रो उद्धेश्य नाफा कमाउने उद्धेश्यमात्र नभई सेवाग्राहीलाई सेवा दिन र रोजगारी सिर्जना गर्नुपनि हो ।’

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’

चितवनमा तीन महिनामा तीन हजारभन्दा बढीले लिए वंशजका आधारमा नागरिकता