चितवन । भरतपुरको वागेश्वरी र शारदानगरमा अक्सिजनसहितको आइसोलेसन केन्द्र बनाउन सांसद सहितको सरोकारवालाको टोलीले शनिवार स्थलगत अध्ययन तथा छलफल गरेको छ । चितवनका प्रदेश सांसद विजय सुवेदी, प्रमुख जिल्ला अधिकारी प्रेमलाल लामिछाने र भरतपुर महानगरपालिकाका प्रमुख प्रशासकीय अधिकृत भोजराज खतिवडासहितको टोलीले भरतपुरको वागेश्वरीमा रहेको योगी नरहरिनाथ योग तथा प्राकृतिक चिकित्सालय र शारदानगर हेल्थपोष्टको स्थलगत अध्ययन गरेका हुन् ।

टोलीले सो क्षेत्रमा स्थलगत अध्ययनगरी वागेश्वरीमा १०० बेडको र शारदानगर हेल्थपोष्टमा ३० बेडको आइसोलेसन केन्द्र बनाउने तयारी थालेको हो । सांसद विजय सुवेदीले योग तथा प्राकृतिक चिकित्सालय र शारदानगर हेल्थपोष्ट प्रशासनलाई तत्काल आइसोलेसन केन्द्र बनाउन के कति खर्च लाग्छ योजनासहित पेस गर्न निर्देशन दिएका छन् ।

उनले भने, ‘आइसोलेसन केन्द्रको लागि भरतपुर महानगरपालिका, प्रदेश सरकार र संघीय सरकारको सहयोग रहनेछ । भरतपुरमा कोरोनाको संक्रमण फैलिएर महामारीको रुपमा फैलिन सक्ने भएकोले पनि आइसोलेसन जरुरी छ ।’ उनले अस्पतालहरु भरिन थालेपछि अक्सिजनसहितको आइसोलेसनको जरुरी परेको बताए ।

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’

चितवनमा तीन महिनामा तीन हजारभन्दा बढीले लिए वंशजका आधारमा नागरिकता