काठमाडौँ । बाग्मती प्रदेशतर्फ रिक्त एक राष्ट्रियसभा सदस्य पदका लागि आज उपनिर्वाचन हुँदै छ । नेपाल कम्युनिष्ट पार्टी (माओवादी केन्द्र)ले राष्ट्रियसभा सदस्य रामबहादुर थापालाई एमाले प्रवेश गरेको भन्दै कारबाही गरेपछि रिक्त भएको पदमा आज उपनिर्वाचन हुन लागेको हो । चुनावी मैदानमा सत्तारुढ एमालेको तर्फबाट थापा, विपक्षी गठबन्धन (कांग्रेस, माओवादी केन्द्र, जसपा र एमालेकै नेपाल पक्ष)को समर्थनप्राप्त खिमलाल देवकोटा र नेमकिपाका कृष्णबहादुर तामाङ रहेका छन् ।
थापाले सूर्य, देवकोटाले कलम र तामाङले मादल चिह्न पाएका छन् । मुख्य प्रतिस्पर्धी भने बादल र देवकोटा हुन् र, दुवै नेकपा एमालेका नेता हुन् । बादल एमाले अध्यक्ष केपी शर्मा ओली पक्षका उम्मेदवार हुन् भने देवकोटा एमालेकै नेपाल पक्षका । निर्वाचनमा वाग्मती प्रदेशसभा सदस्य ११० र प्रदेशअन्तर्गतका गाउँपालिका अध्यक्ष र उपाध्यक्ष तथा नगरपालिकाका प्रमुख र उपप्रमुख २३८ गरी ३४८ मतदाता कायम रहेको निर्वाचन आयोगले जनाएको छ ।
आयोगका अनुसार आज बिहान ९ बजे बाट दिउँसो ३ बजेसम्म हुने मतदान हुनेछ । जसमा कोरोना संक्रमितले पनि मतदान गर्न पाउने व्यवस्था मिलाइएको छ । मतदानका लागि तीन बुथ तयार गरिएको छ । ‘क’ बुथमा प्रदेशसभा सदस्य, ‘ख’मा स्थानीय तह प्रमुख र उपप्रमुखले मतदान गर्नेछन् । कोरोना संक्रमण परेका प्रदेशसभा सदस्य, स्थानीय तह प्रमुख तथा उपप्रमुखका लागि ‘ग’ बुथ बनाइएको छ ।
मतदान हेटौंडा उपमहानगर–४ स्थित भुटनदेवी माविमा हुनेछ । कुनै प्राविधिक समस्या नआएको खण्डमा उपनिर्वाचनको परिणाम आजै आउन सक्ने आयोगले जनाएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.