चितवन । युनाइटेड मोटर्स प्रालिले चितवन र नवलपुरका ग्राहकहरुलाई लक्षित गर्दै होण्डाको नयाँ ग्राजिया बीएसभीआई मोडलको स्कुटर बजारमा सार्वजनिक गरिएको छ ।

आज (सोमबार) चितवन अटो मोबाइलस डिलर्स एशोसियसन चितवनका अध्यक्ष इश्वरकुमार श्रेष्ठ र उद्योग वाणिज्य संघ चितवनका अध्यक्ष राजु श्रेष्ठले होण्डाको शोरुममा एक समारोहको आयोजना गरि संयुक्त रुपमा स्कुटर सार्वजनिक गरेका हुन् । विगत १६ वर्षदेखि युनाइटेड मोटर्सले झण्डै १० हजार सेवाग्राहीलाई सेवा दिएको जानकारी दिँदै युनाइटेड मोटर्सका निर्देशक राजन पियाले नयाँ मोडलको स्कुटरले चितवनका ग्राहकको मन जित्ने विश्वास व्यक्त गर्नुभयो ।

प्रमुख अतिथि उद्योग वाणिज्य संघ चितवनका अध्यक्ष राजु श्रेष्ठले स्कुटर प्रति ग्राहकहरुको आकर्षण बढ्दै गएको बताउनुभयो । उहाँले समाज परिवर्तनसंगै महिलाहरु बाहिर पनि सशक्त हुदाँ महिला दिदिबहिनिको पहिलो रोजाईमा स्कुटर परेको बताउनुभयो ।

स्टाईलिस लुक र निकै आकर्षक फिचर रहेको यस मोडलमा १ सय २५ सिसि र यस बीएस सिक्समा व्यवहारिक फिचरहरु थप गरी रि–डिफाइन गरिएको छ । १ सय ५५ एमएम देखि १ सय ७१ एमएम ग्राउण्ड क्लेरेन्स रहेको यस स्कुटरको स्पिडोमिटरमा माइलेज फिचर उपलब्ध रहेको छ ।

यस फिचर अन्तरर्गत यस स्कुटर चालकले रियल टाइम माइलेज, एभरेज माइलेजका साथै डिस्ट्यान्स टू एमप्टि जस्ता जानकारी प्राप्त गर्न सक्नेछन् । यसमा होण्डाले प्रोग्राम फ्यूल इन्जेसन टेक्नोलोजी प्रयोग गरेकोले स्कुटरमा बढी माइलेज र पावर रहेको छ । ग्राजियाको यस नयाँ बीएसभीआई डिलक्स मोडलमा जाम भएको समयमा इन्धनको बचत गर्नका लागि आइडिलिङ्ग स्टप रहेको छ ।

बीएसभीआई एटीडि मोडलमा इन्जिन स्टार्ट÷स्टप स्वीच रहेको छ । यसका साथै यस स्कुटरमा साइड स्ट्याण्ड इन्जिन अफ फिचर एसीजी सहितको साइलेन्ट स्टार्ट, इएसपी टेक्नोलोजीको साथ एचइटी इन्जिन जस्ता अन्य विभिन्न उपयोगी विशेषताहरु रहेको छ । नेपाली बजारमा ग्राजिया बीएसभीइआई डिआरएस मोडलको मूल्य २ लाख ६९ हजार ९ सय रहेको छ ।

ग्राजिया बीएसभीआई डिएसएस मोडलको मूल्य २ लाख ८९ हजार ९ सय रहेको छ । कार्यक्रममा बजाज शोरुमका प्रोपाइटर बालगोपाल चुके, रिकण्डिशन एशोसियसन चितवनका अध्यक्ष सुर्य अधिकारी , यमहा शोरुमका प्रोपाइटर कपीसागर कर्मचार्य, हिरोका सुरज शाक्य रहनुभएको थियो ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

चितवनमा रहेको धान ‘जोन’मा उत्पादन बढ्यो