मिलनबाबु श्रेष्ठ

राजेश्वर खनाल

कैलाश कोइराला

सूर्यकान्त घिमिरे

राजेन्द्र बुर्लाकोटी

उत्तम जोशी

विजय भुषाल

जगन्नाथ पौडेल

हालसम्म जिल्लामा जिल्ला सभापतिको लागि ८ जनामा आकांक्षी देखिएको छ । जसमध्ये मिलनबाबु श्रेष्ठ सभापतिको लागि आफूले आकांक्ष देखाएको र देउवा पक्षबाट उम्मेदवारको लागि पक्का भएको दाबी गर्छन । उनी प्रदेश सभासदस्य पनि हुन् । लामोसमय समयसम्म पार्टीका विभिन्न समयमा पार्टीको लागि निरन्तर योगदान दिदै आएकोले आफूले नेतृत्व गर्ने र गर्नसक्ने बताउंँछन ।

राजेश्वर खनाल ः राजेश्वर खनाल हाल कांँग्रेस महासमिति सदस्य हुन् । उनी लामो समयदेखि प्राध्यापन पेशा सँगै प्रजातन्त्रवादी प्राध्यापक संघ मैयादैवी कन्या कलेजका संस्थापक अध्यक्ष एवम् प्रध्यापक संघका सभापती भईसकेका व्यक्ति हुन् । उनी तरुणदल केन्द्रीय सदस्य, नेविसंघ केन्द्रीय सदस्य, तरुण दल जिल्ला अध्यक्ष भैसकेका व्यत्ति हुन् ।

पार्टीलाई कसरी चलायमान गतिशिल बनाउन सकिन्छ भन्ने पूर्ण क्षमता रहेको र जिल्लामा नेता कार्यकर्ताको राम्रै साथ सहयोग पाएकोले पनि आफू नेतृत्वमा आकांक्षा रहेको बताउंँछन । उनी पुरानो घर तनहुंँ भएका कारण पौडेल समुहका कट्टर उम्मेदवार रहेको निकट श्रोत बताउंँछ । तर उनले अहिले खास यो विषयमा उनले चासो देखाएनन ।

कैलाश कोइराला ः कैलाश कोइराला पनि वर्तमान कार्यसमिति उपसभापति हुन् । आफूलाई बौद्धिक नेता भन्न रुचाउने उनी आफ्नो पृष्ठभूमि कांँग्रेस रहेकोले आफ्नो जिल्लाको नेतृत्वमा आकांक्षा रहेको बताउंँछन । आफू विचार भन्दा दर्शनमा बढी विश्वास गर्ने भएकोले कांँग्रेसलाई गतिशिल, एकीकृत बनाउन आफ्नो मुख्य उद्धेश्य रहेको बताउंँछन । आफू कोइराला परिवारको रहेकोले पनि आफ्नो संस्थापन पक्षको पूर्ण साथ सहयोग रहेको उनी दाबी गर्छन ।

उत्तम जोशी ः उनी हाल वर्तमान जिल्ला कार्यसमिति सचिव हुन् । पार्टीलाई एक ढिक्का बनाउने, संगठन विस्तार र सबै जिल्ला देखि केन्द्र स्तरका नेता तथा कार्यकर्ता संग सम्बन्ध राम्रो भएकोलेपनि आफू स्वतः आकांक्षी रहेको उनी बताउंँछन । जोशी परिवारका भएका कारण उनी पनि पहिले जोशी खेमा र पौडेलकै खेमा रहेको बुझ्न सकिन्छ । तर उनले पनि यस विषयमा खुलेर बोलेनन ।

डाक्टर सूर्यकान्त घिमिरे ः जिल्लामा सभापतिको आकांक्षीमा सूर्यकान्त घिमिरेको नाम पनि पहिल्यैदेखि चर्चामा छ । उनी कृषि तथा वनविश्वद्यालय,रामपुरका संस्थापक रजिष्टार तथा पूर्व प्राध्यापक हुन् । उनी पूर्व महाधिविशेन प्रतिनिधि हुन् । उनी नेविसंघ जिल्ला सभापति पनि भैसकेका व्यक्ति हुन् ।

सभापति देउवाको पछिल्लो गतिविधिबाट असन्तुष्टि भएका उनी राजनीतिक ध्रुवीकरण गर्न नहुने भनेपनि उनी पौडेल समुहका खेमा भित्र पर्दछन । विद्यार्थीकालदेखिनै नेविसंघ राजनीतिमा सक्रिय हुंँदै आएका उनी आफू सभापतिको आकांक्षीको रुपमा रहेको बताउंँछन ।

राजेन्द्र बुर्लाकोटी ः राजेन्द्र बुर्लाकोटी पूराना र पाका नेतामा गनिन्छन । २०३६ सालको जनमत संग्रह देखि ०६२÷ ०६३ सालको जनआन्दोेलनसम्म उनी उत्तिकै क्रियाशील हुंँदै आएको बताउंँछन । आफूसंँग लामो राजनीतिक अनुभव र परिपक्वता भएकाले पनि आफू जिल्ला सभापतिमा आकांक्षी रहेको उनको भनाई छ । प्रतिनिधि सभाको चुनावमा समेत उम्मेदवार भएका बुर्लाकोटी, निस्वार्थ र निडर व्यक्ति मानिन्छन । उनको पौडेल खेमातर्फ झुकाव रहेको छ ।

विजय भुषाल ः हाल उनी कांँग्रेसका महासमिति सदस्य हुन् । ०६२, ०६३ जनआन्दोलनको नेतृत्व गरेका उनी चितवनलाई सही नेतृत्व दिन र देशकै नमुना कांँग्रेस बनाउने आफ्नो मुख्य उद्धेश्य रहेको बताउंँछन ।

मुख्य गरी पार्टीमा भएको विभाजनलाई एकीकृत गरी देशकै ठूलो , गौरव गर्न लायकको पार्टी बनाउन आफू तल्लीन हुने भुषाल बताउंँछन । उनी पनि पौडेल समुह तिर विश्वास राख्छन ।

जगन्नाथ पौडेल ः जगन्नाथ पौडेल पनि उत्तिकै सक्रिय , उर्जाशील नेताभित्र गनिन्छन । उनी पूर्व सांसद , कानुन बिषयका प्राध्यापक पनि हुन । उनी महाधिवेशन प्रतिनिधि हुन् । उनले आगामी महाधिवेशनबाट सवल , सुदृढ काँग्रेस बनाउन अभियानमा आफ्नो सभापतिमा आकांक्षी रहेको बताउंँछन । उनी आफू पनि पौडेल रहेको र पहिल्यैदेखिनै पौडेल समुहको समर्थक रहेको उनको भनाई छ ।

जिल्लामा यी ८वटै आकांक्षी उत्तिकै क्रियाशील , जुझारु, उर्जाशील, अनुभवी र बौद्धिक नेताहरुको आकांक्षी हुनु सकारात्मक बिषय रहेको बताउंँछन कांँग्रेसका चितवन सभापति जीतनारायण श्रेष्ठ । पार्टीले यस्ता नेताहरु आकांक्षी हुनु गौरवको बिषय ठान्दछन । आफू जिल्ला सभापतिको भूमिका निर्वाह गरिसकेको आगामी महाधिवेशनमा केन्द्रीय सदस्यमा उम्मेदवारी रहने श्रेष्ठले बताए ।