चितवन । नेपाली काँग्रेसको १४औं महाधिवेशन अन्तरगत पालिका अधिवेशन आज हुँदैछ । जिल्ला निर्वाचन अधिकृत कमलमोहन पोख्रेलका अनुसार सात पालिकामा मतदान अधिकृत, मतदान केन्द्र लगायतका सम्पूर्ण तयारी पूरा भएको छ । इच्छाकामना गाउँपालिकाको निर्वाचन मुग्लिन थकाली समाज भवन मुग्लिनमा हुने अधिवक्ता हरिहर दवाडी मतदान अधिकृतको रुपमा रहनु भएको छ । यस्तै भरतपुर महानगरपालिकामा अधिबक्त श्रीराम दवाडी रहनु भएको छ । भरतपुरको अधिवेशन भरतपुर महानगरपालिका वडा नं. १५ विश्वप्रकाश मावि मा रहेछ । यस्तै रत्ननगरका अधिबक्ता धर्म अर्याल निर्वाचन अधिकृत रहनु भएको छ ।
रत्ननगरको स्टर बैंङ्क्यूटमा अधिवेशन हुनेछ । खैरहनी नगरपालिकाका लागि प्रेमराज पौडेल मतदान अधिकृत रहनु भएको छ । खैरहनीमा पर्सा बैंङ्केट खैरहनी चोकमा अधिवेशन हुनेछ । यस्तै) कालिकाको भिमोदय माविमा अधिवेशन हुनेछ भने त्यहाँ मतचदानअधिकृत तेज प्रसाद पौडेल रहनु भएको छ । प्ती नगरपालिकाको भण्डारा मावि भण्डारामा अधिवेशन हुनेछ । त्यहाँ मतदान अधिकृत शिवराज अधिकारी रहनु भएको छ । माडी नगरपालिकामा स्व कर्णवहादुर घर्ति स्मृति प्रतिष्ठान माडीमा अधिवेशन हुनेछ । माडीको मतदान अधिकृतमा कृष्ण न्यौपाने रहनु भएको छ । यी मतदान केन्द्रमा भोली शनिवार बहिान ७ वजेबाट निर्वाचन प्रकृया सुरु हुने छ ।
१४ औं महाधिबेशनबाट जिल्लाका सात पालिकामा नगर सदस्य र सात–सात जना पदाधिकारीहरु रहेका छन् । भरतपुर महानगरपालिकामा सात जना पदाधिकारी सहित १ सय ५२ जना नगर समिति सदस्य निर्बाचित हुने छन् । जस मध्ये प्रत्यक्ष तर्फ ८७ जना, खस आर्य तर्फ २७ जना, आदिवासी जनजाती तर्फ १९ जना, मधेशी तर्फ २ जना, दलित ६ जना, थारु ३ जना, मुस्लिम १ जना रहेका छन् । पदाधिकारीमा सभापति १ जना, उपसभापति २ जना सचिब २ जना र सहसचिबमा २ जना निर्वाचित हुने छन् । भरतपुर महानगरपालिकामा १ हजार ४ सय ७० जना क्षत्रीय प्रतिनिधि रहेका छन् ।
ईच्छाकामना गाउँपालिकामा सात जना पदाधिकारी सहित ४२ सदस्यिय कार्यसमिति चयन गर्ने छ । जस मध्ये प्रत्यक्ष तर्फ २१ जना, खस आर्य तर्फ १ जना, आदिवासी जनजाती तर्फ १२ जना, दलित १ जना, निर्वाचित भएर आउने छन् । पदाधिकारीमा सभापति १ जना, उपसभापति २ जना सचिब २ जना र सहसचिबमा २ जना निर्वाचित हुने छन् । गाउँपालिकामा १ सय ३३ जना क्षेत्रीय प्रतिनिधि रहेका छन् । कालिका नगरपालिकामा सात जना पदाधिकारी सहित ६२ जना नगर समिति सदस्य निर्बाचित हुने छन् । जस मध्ये प्रत्यक्ष तर्फ ३३ जना, खस आर्य तर्फ ६ जना, आदिवासी जनजाती तर्फ १२ जना, दलित १ जना, थारु ३ जना रहेका छन् ।
पदाधिकारीमा सभापति १ जना, उपसभापति २ जना सचिब २ जना र सहसचिबमा २ जना निर्वाचित हुने छन् । कालिका नगरपालिकामा २ सय २० जना क्षेत्रीय प्रतिनिधि रहेका छन् । खैरहनी नगरपालिकामा सात जना पदाधिकारी सहित ७२ सदस्यिय कार्यसमिति चयन गर्ने छ । जस मध्ये प्रत्यक्ष तर्फ ३९ जना, खस आर्य तर्फ ११ जना, आदिवासी जनजाती तर्फ ६ जना, दलित २ जना, थारु ७ जना निर्वाचित हु छन् । यो वाहेक पदाधिकारीमा सभापति १ जना, उपसभापति २ जना सचिब २ जना र सहसचिबमा २ जना निर्वाचित हुने छन् ।
यहाँ २ सय ९४ जना क्षत्रीय प्रतिनिधि रहेका छन् । माडी नगरपालिकामा १ सय ४८ क्षत्रीय प्रतिनिधि रहेका छन् । त्यहाँबाट प्रत्यक्ष तर्फ २७ जना, खस आर्य तर्फ ६ जना, आदिवासी जनजाती तर्फ ४ जना, दलित ३ जना, थारु ५ जना रहेका छन् । पदाधिकारीमा सभापति १ जना, उपसभापति २ जना सचिब २ जना र सहसचिबमा २ जना निर्वाचित हुने छन् । यस्तै राप्ती नगरपालिकामा पदाधिकारी सहित ७२ जना निर्वाचित हुने छन् । जस मध्ये सभापति १ जना, उपसभापति २ जना, सचिब २ जना र सहसचिब २ जना रहेका छन् भने अन्य सदस्यहरु रहेका छन् ।
सदस्यहरुमा प्रत्यक्षमा ३९ जना, खस आर्यमा ८ जना, आदिवासी जनजातिमा १४ जना, दलित २ जना, थारु २ जना निर्वाचित हुने छन् । यस पालिकामा २ सय २५ जना क्षेत्रीय प्रतिनिधिहरु रहेका छन् । रत्ननगर नगरपालिकामा रहेका ४ सय २३ जना क्षत्रीय प्रतिनिधिले ८७ जनाको कार्यसमिति चयन गर्ने छ । जसमा पदाधिकारी ७ जना र अन्य नगर सदस्य रहने छन् । पदाधिकारी बाहेक प्रत्यक्ष ४८ जना, खसआर्य १५ जना, आदिवासी जनजाति ७ जना, मधेशी १ जना, दलित २ जना, थारु ६ जना, मुस्लिम १ जना नगर सदस्य रहने काँग्रेसको निर्वाचन निर्देशिकाले जनाएको छ ।
पार्टीको महाधिबेशनका क्रममा जिल्लामा अहिले सम्म शान्तिपूर्ण बातावरणमा सम्पन्न भएको छ । यस पछि असोजमानै हुने भनिएका क्षेत्रीय, प्रदेशीक र जिल्ला अधिबेशनको समय भने दशैं पछि सारिएको छ । बिभिन्न स्थानीय तहमा रहेका क्षेत्रीय प्रतिनिधिहरुले प्रादेशीक पदाधिकारी, प्रादेशीक प्रतिनिधि र कार्यसमिति , क्षेत्रीय पदाधिकारी र क्षेत्रीय समिति, महाधिबेशन प्रतिनिधि, महासमिति सदस्य, हुँदै जिल्लाको नेतृत्वलाई समेत छनोट गर्ने छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.