हेटाडौं । मकवानपुर प्रहरीले अवैध लागूऔषधसहित दुई जनालाई नियन्त्रणमा लिएको छ । प्रहरीले मकवानपुरको मनहरी गाउँपालिका वडा नम्वर ७ मनहरी बजारस्थितबाट लागूऔषध डाईजेपाम, फेनार्गन र नुफिनसहित दुई जनालाई नियन्त्रणमा लिएको जिल्ला प्रहरी कार्यालय मकवानपुरका प्रहरी नायव उपरीक्षक जयश्वर रिमालले जानकारी दिए ।
प्रहरीको नियन्त्रणमा हुनेहरुमा भारत बिहार पुर्वी चम्पारण जिल्ला मोतीहारी ग्राम आदापुर वडा . नं. २ बस्ने वर्ष २२ को सद्दाम अन्सारी र भारत बिहार जिल्ला मोतीहारी ग्राम सिसवा सौनाहा वडा नं. २ बस्ने वर्ष १८ को रोहान आलम रहेका छन् । उनीहरुलाई इलाका प्रहरी कार्यालय मनहरीबाट खटिएको प्रहरी टोलीले नियन्त्रणमा लिएको हो ।
प्रहरीले उनीहरुलाई लागुऔषध डाईजेपाम ३०० एम्पुल , फेनार्गन ३०६ एम्पुल र नुफिन ३४० एम्पुलसहित नियन्त्रणमा लिएको प्रहरी नायव उपरीक्षक रिमालले बताए ।
आज (बिहिबार) बिहान साढे ४ बजेको समयमा पुर्व–पश्चिम लोकमार्गमा वीरगंजबाट चितवनतर्फ जाँदै गरेको ना ७ ख २०१९ नं. को यात्रु बस रोकी चेकजाँच गर्ने क्रममा बसमा सवार उनीहरुले बोकेको हरियो रंगको जेब्रा झोला भित्र लुकाई छिपाई ल्याएको उक्त परिणामको लागूऔषधसहित नियन्त्रणमा लिएको प्रहरीले जनाएको छ । पक्राउ परेका उनीहरुमाथि आवश्यक अनुसन्धान भइरहेको जनाएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.