चिगवन । पूर्वअर्थमन्त्री तथा एमाले स्थायी समिति सदस्य सुरेन्द्र पाण्डेले चितवनमा एमालेको केन्द्रीय महाधिवेशन गर्न खोज्यो भनेर कोहि डराउनुनपर्ने बताएका छन् । भरतपुर विमानस्थलमा पत्रकारहरुसँग संक्षिप्त कुराकानी गर्दै प्रचण्डलाई इङगित गर्दै उनले भने, “उहाँलाई वा कुनै पार्टीलाई टार्गेट गरेको होइन, उहाँ आँफै डराएको हो ।”

केही दिन पहिले चितवनमा आएर प्रचण्डले एमालेको महाधिवेशन आँफुलाई टार्गेट गरेर चितवनमा गर्न खोजेको अभिव्यक्ति दिएका थिए । “उहाँको मन डराएको अभिव्यक्ति मात्रै हो”, पाण्डेले भने, ” देश चलाउने पार्टी कुनै व्यक्ति वा पार्टी टार्गेट हुदैन, हामी ठूलो उद्धेश्य लिएर हिडेका छौँ ।” विधान महाधिवेशनकै बेला चितवनमा महाधिवेशन गर्नेबारे अनौपचारिक छलफल समेत चलेको बताए । उनले चितवनमा हुने केन्द्रीय महाधिवेशनमा ५ लाख जनता सहभागी हुने बताए ।

“गण्डकीबाट ५० हजार, लुम्बिनीबाट ७५ हजार, बागमतीबाट अढाइ लाख, प्रदेश नम्बर १ बाट २५ हजार सहभागी हुने अनुमान छ”, उनले भने, “हरेक जिल्लाबाट धेरै जनता सहभागी गराउने तयारी छ ।” उद्घाटनसत्र हुने नारायणी नदी किनारमा रहेका खाल्डाखुल्डी केही दिनमै पुरिने बताए । सौराहामै करिब ३५ सय जनालाई बस्ने व्यवस्था मिलाइने बताए । आजै महाधिवेशन मुल समितिको सम्पर्क कार्याल एमाले चितवनको पार्टी कार्यालयमा स्थापना गरि महाधिवेशन तयारी तीव्र पारिने बताए ।

उनले यसपालिको महाधिवेशन सहमतिकै हुने र केही पदमा मात्रै चुनाव हुने बताए । आजै एमाले अध्यक्ष ओली सडक मार्गहुदै चितवन आउदैछन् । उनी चितवनका विभिन्न ७ कार्यक्रममा सहभागि हुदैछन् । स्थायी समिति सदस्य रामबहादुर थापा वादल पनि चितवन आइपुगेका छन् ।

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्