काठमाडौं । नेपाली कांग्रेसले मंसिर अन्तिम साता हुने १४औं महाधिवेशनका लागि मूल तयारी समिति गठन गरेको छ । बुढानिलकण्ठमा बसेको पार्टी पदाधिकारी एवं पूर्वपदाधिकारी बैठकले सभापति एवं प्रधानमन्त्री शेरबहादुर देउवाको संयोजकत्वमा १४औं महाधिवेशन मूल तयारी समिति गठन गरेको प्रवक्ता विश्वप्रकाश शर्माले जानकारी दिए । १४ औं महाधिवेशन मूल तयारी समितिमा केन्द्रीय कार्यसमितिका सदस्यहरु, आमन्त्रित केन्द्रीय सदस्यहरु, संघीय संसदका सदस्यहरु, सातै प्रदेशका संसदीय दलका नेताहरु सदस्य रहेका छन् ।

प्रवक्ता शर्माका अनुसार अर्थ संकलनका लागि केन्द्रीय सदस्य ज्ञानेन्द्रबहादुर कार्कीको संयोजकत्वमा समिति गठन गरिएको छ । समिति पूर्णता दिने अधिकार कार्कीलाई नै दिइएको छ । भोजन तथा आवास व्यवस्थापनमा केन्द्रीय सदस्य सुरेन्द्रराज पाण्डे, विदेशी पाहुना स्वागत तथा व्यवस्थापन समितिमा पार्टीका सहमहामन्त्री डा। प्रकाशशरण महत, प्रचार प्रसार समितिमा प्रवक्ता विश्वप्रकाश शर्मा, उद्घाटन समारोह मञ्च व्यवस्थापन समितिमा काठमाडौंका जिल्ला सभापति संयोजक रहनेगरी भक्तपुर र ललितपुरका सभापतिलाई जिम्मा दिइएको छ ।

स्वास्थ्य समितिमा मोहनबहादुर बस्नेत, सांस्कृतिक समितिमा केन्द्रीय सदस्य सीता गुरुङ, स्वयंसेवक व्यवस्थापक मूल समितिको संयोजकमा नेपाल भूतपूर्वसैनिक संघका अध्यक्ष कर्णेल धनबहादुर मास्के राना रहेका छन् । यी समितिमा संयोजकहरुले आवश्यकताअनुसार सदस्य चयन गर्ने प्रवक्ता विश्वप्रकाश शर्माले जानकारी दिए । धेरै जिल्लामा वडा अधिवेशन भइसकेको र स्थगित भएका केही जिल्लाको अधिवेशन केन्द्रीय निर्वाचन समितिले तय गर्ने प्रवक्ता शर्माले बताए ।

उनकाअनुसार ३ मंसिरमा हिमाली पहाडी जिल्ला (जहाँ एउटा निर्वाचन क्षेत्र छ) बाहेक एकभन्दा बढी निर्वाचन क्षेत्र भएको जिल्लाहरुमा प्रदेश अधिवेशन हुँदैछ । ६ गते संघीय क्षेत्रको अधिवेशन भएर १० मंसिरमा सम्पन्न भइसकेका हिमाली जिल्ला बाहेक सबै जिल्लाको जिल्ला अधिवेशन हुनेछ । आयोजना गर्न आयोजक समितिहरु पनि गठन गरिएको छ । प्रदेशमा प्रदेश सभापतिको नेतृत्वमा, संघमा संघीय सभापतिको नेतृत्वमा र जिल्लामा जिल्ला सभापतिको नेतृत्वमा समिति रहने प्रवक्ता शर्माले बताए ।

तर सातवटा प्रदेशमा प्रदेश संरचना पहिलोपटक बनाउन लागेकाले १६(१७ मंसिरमा सम्पन्न हुने अधिवेशनका लागि केन्द्रबाट संयोजक तोकेर आयोजक समिति प्रस्ताव गरिएको छ । प्रदेश १ मा पूर्वमहामन्त्री कृष्ण सिटौला, प्रदेश २ मा रमेश रिजाल, बागमतीमा पूर्वमहामन्त्री प्रकाशमान सिंह, गण्डकी प्रदेशमा पूर्वउपसभापति गोपालमान श्रेष्ठ, लुम्बिनी प्रदेशको बुटवलमा हुने अधिवेशनका लागि गृहमन्त्री बालकृष्ण खाड, कर्णाली प्रदेशमा मुख्यमन्त्री जीवनबहादुर शाही, सुदूरपश्चिममा कानुन मन्त्री दिलेन्द्रप्रसाद बडू तोकिएका छन् ।

उपराष्ट्रपतिबाट बडादसैँको टीका ग्रहण

प्रधानमन्त्री बालेनको विजयादशमी शुभकामना : भ्रष्टाचार, कुशासन र विभेद हटाउन एकजुट हुन आह्वान

राष्ट्रपति पौडेलले शुभसाइतमा लगाए दशैँको टीका र जमरा