चितवन । चितवनको ठुलो नगरपालिका रत्ननगर नगरपालिकाले पनि बुधवार आगामी आर्थिक वर्षका लागि वजेट ल्याएको छ । आगामी आर्थिक वर्ष २०७७ र ७८ का लागि रत्ननगरले करिव १ अर्व १४ करोड बरावरको वजेट ल्याएको हो । सातौ नगर सभामा वजेट प्रस्तुत गर्दै रत्ननगर नगरपालिका उपप्रमुख विमला देवी दुवाडीले आगामी वर्षका लागि १ अर्व १३ करोड ८ लाख रुपैया वजेट सार्वजनिक गरिन् । कुल वजेट मध्ये १० करोड आन्तरीक श्रोतबाट संकलन हुने अनुमान छ । त्यस्तै गत वर्षको नगद मौज्दात २ करोड,संघीय सरकारबाट प्राप्त शर्शत अनुदान ३० करोड ९३ लाख,संघीय सरकारबाट प्राप्त समानिकरण अनुदान १ करोड ७० लाख,संघीय सरकारबाट विषेश अनुदान २ करोड आम्दानी हुने अनुमान छ । यसै गरि संघीय सरकारबाट राजस्व वाँडफाँडबाट १० करोड ७ लाख,प्रदेश सरकार शशर्त अनुदान ५ करोड ५६ लाख,प्रदेश सरकारबाट समानिकरण अनुदान १ करोड ९ लाख,प्रदेश सरकारबाट प्राप्त समपुरक २ करोड ७१ लाख,सडक बोर्डबाट ८० लाख,संघीय सरकार पूर्वाधार विकास साझेदारी कार्यक्रम अन्र्तगत १ करोड ६५ लाख,प्रदेश स्थानीय पूर्वाधार विकास साझेदारी कार्यक्रम अन्र्तगत २ करोड २५ लाख,जिल्ला समन्वय समितिबाट समपुरक अनुदान मार्फत १ करोड ५० लाख,सामाजिक सुरक्षा भत्ता वापत २० करोड ६६ लाख,लागत सहभागीता १ करोड आम्दानी हुने अनुमान गरिएको छ । आगामी वर्षका लागि निति तथा कार्यक्रम प्रस्तुत गर्दै नगरपालिका प्रमुख नारायण वनले पशुपालक किसानलाई प्रोत्साहन तथा वैकल्पिक उर्जा प्रर्वद्धनका लागि गोवर ग्याँस अनुदान कार्यक्रम संचालन गर्ने र व्यक्तिगत वा सामुहिक रुपमा ५० वटा भन्दा वढि गाईभैसी पालन गर्ने समुहलाई प्रोत्साहन हुने खालका कार्यक्रम ल्याउन लागिएको वताए । पर्यटन क्षेत्रको विकासका लागि नगरपालिका क्षेत्रमा वाटर किंगडम,गल्फकोर्ट जस्ता ठुला दीर्घकालिन महत्व राख्ने योजनाहरु निजी साझेदारी मोडलमा संचालन गरिने नगर प्रमुख वनले जानकारी दिए ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान