चितवन । जिल्लामा सञ्चालनमा रहेको मौलाकालिका अस्पतालले आज देखि आठ शैय्याको शिशु तथा वालरोग सघन कक्ष ९पिआईसियू० सञ्चालनमा ल्याएको छ । कक्षको बागमती प्रदेश सभा सदस्य बिजय सुवेदीले एक कार्यक्रमका बिच उद्घाटन गर्नुभयो । प्रदेश सभा सदस्य सुवेदीले यो सेवाले चितवन र छिमेकि जिल्लाका बिरामी लाभान्वीत हुने बताउनुभयो ।
भरतपुर अस्पताल बिकास समितिका पूर्ब अध्यक्ष समेत रहनु भएका सुवेदीले जिल्लामा स्वास्थ्य उपचारमा अत्याबश्यक सेवाहरु बिस्तार गर्दै लानु पर्ने भन्दै अस्पतालहरु प्रतिस्पर्धि नभई सहयोगी वन्नु पर्नेमा जोड दिनुभयो । कार्यक्रममा अस्पतालका प्रवन्ध निर्देशक डा। केशराज भूर्तेलले यस अस्पतालमा दिईने सेवाहरुलाई अझै प्रभावकारी वनाउदैं लैजाने बताउनुभयो । अस्पतालका अध्यक्ष डा। माणीकलाल मानन्धरले अस्पतालले एक सय शैय्या क्षमताको अत्याधुनिक भवन निर्माण गरि उच्च स्तरको सेवा दिने तयारीमा रहेको जानकारी दिनुभयो । नयाँ भवनमा सेवा थाले संगै यो सेवा थप बिस्तार गरिने उहाँको भनाई थियो ।
अस्पतालकी बालरोग बिशेषज्ञ डा। स्वेता कुमारी गुप्ताले जिल्लामा आबश्यकता अनुसारको पिआईसियू नहुँदा बिरामीले सेवा पाउन नसकेको भन्दै यस अस्पतालले सेवा सुरु गरे संगै थप बिरामी लाभान्वित हुने वताउनुभयो । यो सेवा अन्तर्गत एक महिना देखि १४ वर्ष सम्मका बालबालिकालाई राखेर उपचार गरिन्छ । जिल्लाका दुई मेडीकल कलेज र निको वाल अस्पताल बाहेक अन्यत्र यो सेवा नहुँदा बिरामी उपचारका लागि बाहिर जान बाध्य छन् । सरकारी अस्पतालमा समेत यो सेवा सुरु हुन सकेको छैन । वि। सं। २०६६ सालमा स्थापना भएको यस स्पतालले अहिले ५१ शैय्यामा सञ्चालन भईरहेको छ ।
मौलाकालिका अस्पतालले जन्मिए देखि एक महिना सम्मका वालवालिकालाई उपचार गर्ने १० शैय्याको बाल सघन उपचार कक्ष, ६ शैय्याको सघन उपचार कक्ष समेत सञ्चालन गर्दै आएको छ । अस्पतालमा प्रसुती, हाड जोर्नी, सर्जिकल, मनोरोग, यूरोलोजी, मेडीसिन, रेडीयोलोजी लगाएतका सेवा उपलव्ध रहेका छन् ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.