चितवन । यातयात व्यवस्था कार्यालय चितवनले भोलि (बिहीबार)देखि सवारी चालक अनुमति पत्र (पेपर कार्ड) नविकरण गर्ने भएको छ । कार्यालयले बुधबार पत्रकार सम्मेलन गरी भोलिदेखि पेपर कार्ड नविकरण गर्ने जनाएको हो । नागरिकताको ठेगाना र सवारी चालक अनुमतिपत्र वाग्मती प्रदेशको नभएर अन्य प्रदेशमा जारी गरिएको खण्डमा उक्त कार्यालयमा नविकरण नहुने कार्यालय प्रमुख बिनोद पौडेलले जानकारी दिए ।
उनले भने,‘जुन प्रदेशको नागरीक र सवारी अनुमति पत्र छ उसले त्यही प्रदेशलाई कर तिर्नुपर्छ । एक प्रदेशको आम्दानी अर्को प्रदेशले लिन मिल्दैन । यही अनुसारको परिपत्र भएका कारण वाग्मती प्रदेशको बासिन्दा अथवा वाग्मती प्रदेशबाट जारी भएको सवारी अनुमतिपत्र नविकरण हुनेछ ।’
कार्यालयले सवारी चालक अनुमतिपत्र नविकरण गर्दा ई–टोकनको प्रयोग गर्न जरुरी रहेको कार्यालय प्रमुख पौडेलले बताए । घरमै बसेर यातयात कार्यालयको वेवसाइटमार्फत भेटघाट व्यवस्थापन प्रणालीमा गई आवश्यक विवरण भरी एक हप्ताभित्र उक्त टोकनमार्फत नविकरण गर्न सकिने व्यवस्था गरिएको उनले बताए ।
त्यस्तै वाग्मती प्रदेश बाहिरका सरकारी कर्मचारीको हकमा पनि कार्यरत कार्यालयको सिफारीस नभएको खण्डमा पनि यस कार्यालयबाट लाइसेन्स नविकरण नहुने पौडेलले जानकारी दिए । कार्ड नविकरण गर्दा सक्कल नागरिकता र सक्कल सवारी चालक अनुपतिपत्र सहित फोटोकपि पनि आवश्यक पर्ने उनले बताए ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.