५० औं मिनेटमा युनिक १० खेलाडीमा सीमित भयो । युनिकका रबिन श्रेष्ठले फल गरेपछि रेफ्रीले उनलाई रातो कार्ड दिएका थिए । यसको फाईदा उठाउँदै ५४ औं मिनेटमा सुमन आलेले गोल गर्दै बिएफसीलाई ३-० को अग्रता दिलाए । ६० औं मिनेटमा नुरलले व्यक्तिगत दोस्रो तथा टिमका लागि चौथो गोल गरे । राज भुसालले ६९ र ७१ औं मिनेटमा दुई गोल गरेपछि बिएफसी ६-० ले बिजयी भयो ।

खेलको म्यान अफ दि म्याच बिएफसीका नुरल चुनिए । जितसँगै बिएफसीले ४ खेलबाट १२ अंक बनाएको छ । लिगमा ४ खेल खेलेको बिएफसीले चारै खेलमा जित हात पारेको छ । यससँगै बिएफसीको सेमिफाइनलमा स्थान लगभग पक्का भएको छ।

लिगमा शुक्रबार पनि दुई खेल हुनेछ । शुक्रबार दिउँसो १ बजे सौराहा युवा समाज र जि ब्वाइज तथा दिउँसो ३:३० बजे नारायणी फुटबल क्लब र रामपुर फुटबल क्लब रड्सबीच खेल हुनेछ । चितवन जिल्ला फुटबल संघको आयोजनामा भरतपुर ७ कृष्णपुरस्थित रंगशालामा जारी लिगमा १३ टोली सहभागि छन् ।