चितवन । चितवनको एकमात्र गाउँपालिका ईच्छाकामना वडानम्वर २ मा एक घर एक धारा अभियानको शिलान्यास गरिएको छ। गाउँपालिका अध्यक्ष गीताकुमारी गुरुङका अनुसार वडाका करिव १५० घरमा यो योजना लागू हुने गरि शिलान्यास गरिएको हो। खानेपानीको आयोजना शिलान्यास सँगै यसको निर्माणलाई तीव्रता दिने अध्यक्ष गुरुङले बताइन् ।

आफूहरुले जनताको दुख र आवश्यकतालाई प्राथमिकतामा राखेर उक्त वडाका तीन गाउँमा घरघर खानेपानीको धारा पुर्याउने उनको भनाई छ । अध्यक्ष गुरुङका अनुसार वडा नम्वर २ को थापाथली, कोखथलीको फालगाउँ र हपनीमा आयोजनाले समेट्ने छ । थापाथलीको ३८ घर, फालगाउँका ५० र हपनीका ६२ घरधुरी गरी कुल १५० घरदुरीका करिव १ हजार बढी जनता यसबाट लाभान्वित हुने अध्यक्ष गुरुङको भनाई रहेको छ ।

आयोजनाको शिलान्यस पछि गुरुङले भनिनु,“चुनावमा गरेको प्रतिवद्धता पुरा गर्दै गइरहेका छौँ । टाढा टाढाबाट पानी बोकेर खानुपर्ने वाध्यता देखेपछि त्यसको अन्त्यका लागि एक घर एक धारा अभियानको थालनी गरिएको हो । ”

गाउँपालिका र नेपाल ग्रामीण पुननिर्माण संस्थाको संयुक्त लगानीमा  थापाथलीमा चालीस लाखको , फालगाउँमा १३ लाख ५७ हजार २२७ र हपनीमा चालीस लाख ७१ हजारको लागतमा खानेपानी आयोजनाको गरिनेछ । अधिकाँश चेपाङ बस्ती रहेको ती गाउँहरुमा खानेपानी पुगेसँगै उनीहरुको दैनिकीमा सहजता आउने गुरुङको भनाई छ ।

अधिकाँश चेपाङ बस्ती रहेको ती गाउँहरुमा खानेपानी पुगेसँगै उनीहरुको दैनिकीमा सहजता आउने गुरुङको भनाई छ । जनताले निर्वाचित गरेर पठाएदेखि खानेपानीको समस्या समाधानमा आफूहरु लागिरहेको र यो आयोजनालाई चांडै पूरा गर्ने गुरुङको भनाइ छ। यो सँगै अन्य स्थानमा पनि खानेपानीका आयोजनाहरु संचालन गर्ने योजना रहेको गुरुङले जानकारी दिइन् ।

तिहारमा आम्दानी गर्ने सपना वर्षाले चुँडायो, चितवनमा ७० प्रतिशतसम्म सयपत्री फूल नष्ट

चितवनमा प्रतिबन्धित माउर माछापालन नष्ट गर्न प्रशासनको निर्देशन

चितवनमा ६ लाखभन्दा बढी मूल्यका पटाका बरामद, दुई जना पक्राउ