चितवन । लकडाउनले आर्थिक क्षेत्रमा असर परे पनि चितवनको खैरहनी नगरपालिकाको राजस्व संकलनमा भने प्रभाव परेन । राजस्व संकलनमा अव्वल वन्दै गएको खैरहनी नगरपालिकाले गत आर्थिक वर्ष २०६६ र ७७ मा १० करोड भन्दा वढि राजस्व संकलन गरेको छ । यसमा लागत सहभागीता जोडिएको छैन् । लागत सहभागीतासहित गत आर्थिक वर्षमा १४ करोड २९ लाख २० हजार रुपैया संकलन गरेको खैरहनी नगरपालिका प्रमुख लालमणि चौधरीले वताए । गत आर्थिक वर्षमा ३ करोड ३६ लाख रुपैया लागत सहभागीताबाट जुटेको थियो । गत आर्थिक वर्षमा खैरहनीले ९ करोड २५ लाख रुपैया आन्तरीक श्रोतबाट संकलन गर्ने लक्ष्य लिएको थियो । लक्ष्य भन्दा झण्डै १८ प्रतिशत वढि रकम संकलन गरेको नगरपालिका प्रमुख चौधरीले वताए ।आर्थिक वर्ष २०७७र७८ मा खैरहनी नगरपालिकाले १० करोड ११ लाख रुपैया आन्तरीक श्रोतबाट संकलन गर्ने अनुमान गरेको छ । आर्थिक वर्ष २०७६र७७ मा सवैभन्दा वढि घरजग्गा रजिष्ट्रेशनबाट ६ करोड १५ लाख ३२ हजार रुपैया संकलन भएको छ । त्यस्तै एकिकृत सम्पती करबाट १ करोड ६८ लाख ४३ हजार,व्यवसाय रजिष्ट्रेशन दस्तुर मार्फत ६८ लाख ५० हजार,घरवहाल कर मार्फत ४८ लाख,अन्य दस्तुरबाट ४० लाख ५८ हजार,सिफारीस दस्तुरबाट ३६ लाख २७ हजार रुपैया संकलन भएको नगरपालिकाका प्रमुख प्रशासकिय अधिकृत पुरुषोतम शर्माले वताए । यसैगरी नक्सापास दस्तुरबाट ३२ लाख,भुमिकररमालपोत मार्फत १५ लाख ९१ हजार,प्राकृतिक श्रोतको वाँडफाँडबाट १० लाख २९ हजार रुपैया,नाता प्रमाणित दस्तुर मार्फत ७ लाख ३० हजार,वहाल विटौरी कर मार्फत ७ लाख १८ हजार रुपैया संकलन भएको छ । खैरहनी नगरपालिका उपप्रमुख सुनिता थपलियाले आन्तरीक श्रोतमा अव्वल वन्दै जानु नगर समृद्धीकोे आधार रहेको वताईन् । जनप्रतिनिधी निर्वाचित भएको वर्ष ३ करोड संकलन गर्ने लक्ष्य लिईएकोमा तीन वर्षको अवधिमा ७ करोड भन्दा वढि राजस्व संकलन भएको उपप्रमुख थपलियाले वताईन् ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान