फाईल फोटो

चितवन । सोमबार विहानैदेखि अवरुद्ध बनेको नारायणगढ–मुग्लिन सडक खण्ड मंगलबार पनि खुल्ने संभावना कम रहेको छ । इच्छाकामना गाउँपालिका–६ स्थित चार किलो खसेको पहिरो हटाउन समस्या भएको छ । निरन्तरको वर्षा र बेला बेला सोही स्थानमा खस्दै गएको पहिरोका कारण पहिरो हटाउन समस्या भएको हो । मंगलबार विहानैदेखि पहिरो हटाउने तयारी गरिए पनि भारी वर्षाका कारण अझै काम सुरु गर्न नसकिएको जिल्ला प्रहरी कार्यालय चितवनका प्रवक्ता सूर्यबहादुर थापाले जानकारी दिए । उनले वर्षाका कारण आज पनि बाटो खुलाउन समस्या हुन सक्ने बताए । नारायणगढ–मुग्लिन सडक खण्डले आज दिउँसो १२ बजेपछि बाटो संचालनमा ल्याउने जनाएको थियो । तर निरन्तरको वर्षाको कारण आज खुल्ने संभावना कम रहेको छ । विहानै खसेको पहिरो हटाउन नसक्दा काठमाडौंलगायत स्थान प्रस्थान गरेका सवारी साधनहरु बाटोमै रोकिएका छन् । कतिपय सवारी साधनहरुलाई आँपटारी, रामनगरलगायत स्थानमा रोकिएको छ।त्यस्तै चेपाङ डाँडा नजिक पनि मालवाहब दुईवटा ट्रकलाई पहिरोले पुरेको छ। संयोगवश गाडीमा रहेका सवै यात्रुहरु सकुशल छन्। आयोजना सुरु भएयता साउन १५ सम्म मात्रै १४१ वटा पहिरो आएर २१ वटा गाडीमा क्षति पुगेको आयोजना कार्यालयले जानकारी दिएको छ। जसमा पाँचजना यात्रुको ज्यान नै गएको छ। एकजना यात्रु वेपत्ता छन्। चारजना घाइते भएका छन्।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान