चितवनः लायन्स क्लब इन्टरनेशनल ३२५ बी टुले कोरोना संक्रमणबाट जोगिनका लागि नियमित रुपमा साबुनपानीले हात धोऔँ भन्दै सार्वजनिक स्थानमा सेमी अटोमेटिक धारा जडानलाई तीव्रता दिएको छ । क्लबले पछिल्लो एक महिनामा १४ स्थानमा धारा जडान गरेको लायन्सको कोभिड प्रकोप प्रकोप नियन्त्रण समितिका संयोजक सिद्धार्थलाल चुकेले बताए ।
मानिसको बढी भीडभाड हुने स्थान छनौट गरेर नवलपुर र चितवनका विभिन्न क्षेत्रमा धारा जडानको काम अगाडि बढाइएको चुकेको भनाइ छ । लायन्स क्लब इन्टरनेशन ३२५ बी टु का प्रथम भाइस डिष्ट्रिक गभर्नर रामप्रसाद भट्टले कोभिड प्रकोप सुरु भएदेखि नै लायन्स क्लबले सचेतनाका कार्यक्रमहरु गर्दै आएको बताए । कोभिडको प्रकोप सुरु भएपछि भरतपुर अस्पतालसहितका विभिन्न क्षेत्रमा ५७ लाख रुपैयाँबराबरका पीपीई, ५० लाख लाख रुपैयाँ बराबरको भीटीएम किटलगायतका स्वास्थ्य सामग्रीहरु लायन्सले वितरण गरिसकेको भट्टले बताए । अन्यत्रबाट भएको सङ्क्रमणलाई हात धोएर नै भगाउन सकिने भएकाले लायन्स क्लबले धारा जडानमा ध्यान केन्द्रीत गरेको उनको भनाइ छ ।
आज मंगलबार लायन्स चोकको नारायणी मोटर्स अगाडि र अस्थायी ट्राफिक प्रहरी पोस्टसँगै दुई स्थान, क्यान्सर अस्पताल, खानेपानी व्यवस्थापन बोर्ड, विद्युत कार्यालय लगायतका ठाउँमा हात धुने धारा जडान गरिएको हो । धारा जडानमा लायन्स क्लब अफ नारायणगढ बालकुमारी, लायन्स क्बल अफ नारायणगढलगायतका क्लबहरुले आर्थिक सहयोग गरेका लायन्सकको रिजन चियर पर्सन बालगोपाल चुकेले बताए । सार्वजनिक स्थानमा हात धुने व्यवस्था गर्दा सर्वसाधारण नागरिकमा हात धुने बानीको विकास हुने उनको भनाइ छ । सेमीअटोमेटिक धारामा हात धुने पानी, साबुन तथा लिक्विड राखिएको चुकेले जानकारी दिए ।
विभिन्न स्थानमा जडान गरिएको धारा उद्घाटनका क्रममा लायन्स क्लब इन्टरनेशनल ३२५ बी टू, एरिया नम्बर ३ का चिफ एरिया को अर्डिनेटर प्रभाकर पण्डितले स्वागत मन्तव्य राखेका एरिया नम्बर ३ का सचिव पूर्ण शर्माले बताए ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै