चितवन । चितवन राष्ट्रिय निकुञ्ज सुरक्षार्थ खटिएका सैनिकको कुटपिटबाट पूर्वीचितवन राप्ती नगरपालिका–२ का २४ वर्षीय राजकुमार चेपाङको मृत्यु भएपछि विवाद सहमतिमा टुङ्गिएको छ । शुक्रबार जिल्ला प्रशासन कार्यालय चितवनमा भएको छलफलमा प्रशासन र पीडित पक्षबीच सहमति भएपछि परिवारले शव बुझ्ने भएका छन् । सर्वपक्षीय बैठकबाट राजकुमार चेपाङलाई कुटपिट गर्नेलाई कानुनी दायरामा ल्याई आवश्यक कारवाही गर्ने निर्णय गरेको छ । यस्तै, राजकुमारको परिवारलाई १० लाख रुपैयाँ क्षतिपूर्ति दिने पनि सहमति भएको छ । मृतक राजकुमारकी छोरीलाई भरणपोषण र छात्रवृत्ति रकम नियमितरूपमा उपलब्ध गराउने, मृतक राजकुमारको घर निर्माणमा आवश्यक बनपैदावर, कच्चापदार्थ र श्रम समेत निःशुल्क उपलब्ध गराइदिने प्रशासनको तर्फबाट प्रतिवद्धता जनाएका छन् । सहमतिपछि मृतक राजकुमार चेपाङको शव परिवारले बुझि अन्त्येष्टि गर्ने निर्णय भएको छ । शुक्रबार मात्रै चेपाङ संघले पीडितलाई क्षतिपूर्ति र दोषीलाई कारबाहीको माग गर्दै चक्काजाम लगायतका आन्दोलनको कार्यक्रम सार्वजनिक गरेको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.