चितवन । चितवनको भरतपुर महानगरपालिका ९ शरदपुरस्थित सृजना स्कुलमा नि:शुल्क स्वास्थ्य शिविर सम्पन्न भएको छ। सोही स्कुलको अल्मुनाई एशोसियशनले आयोजनामा सम्पन्न शिविरमा  ४७७ जनाले स्वास्थ परीक्षण गराएका छन् । स्कुलका संस्थापक प्राचार्य चिरञ्जीवी थापाको प्रथम पुण्य तिथिको अवसरमा आयोजित सो शिविरमा डा.भोजराज अधिकारी, डा. नारायण बहादुर थापा, डा. सुमित पाण्डे, डा. विश्वास गुरुङ, डा. मनोज कंडेल , डा सुदिप कौडेल, डा. सरिता राना गुरुङ, डा. दिपेश क्षेत्री, डा. मनोज बाबू अधिकारी, डा. पुकार न्यौपानेले स्वास्थ्य जाँच गरेका थिए।

स्वास्थ्य परीक्षणपछि नि:शुल्क औषधि समेत वितरण गरिएको थियो। सो सिविरमा पाठेघरको मुखको क्यान्सरको स्क्रिनिङ, स्त्री रोग, चिनी रोग, बाल रोग, आँखा,हाड जोर्नी रोग, जनरल मेडिसिन लगायतका सेवाहरु प्रदान गरिएको थियो। सोही स्कुलकी पूर्व विद्यार्थी मान्यता थापाको संयोजकत्वमा सम्पन्न कार्यक्रममा पूर्व विद्यार्थी समाजका अध्यक्ष डा. विश्वास गुरुङ, सुमन कार्की, सक्रिय बिक्रम थापा, साहित्यकार सिम्रन क्षेत्री ,सुशील भट्टराई , बिमला गुरुङ लगायतले श्रद्धाञ्जली मन्तव्य ब्यक्त गरेका थिए।

शिविरमा स्कुलका शैक्षिक सल्लाहकार कपिल ज्ञवाली, पूर्व शिक्षक ध्रुब किरण रेग्मी, प्राचार्य मुनु थापाले समेत श्रद्धाञ्जली मन्तव्य राखेका थिए।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार