चितवन । इसुजु चितवन गोल्डकप अन्तराष्ट्रिय आमन्त्रण फुटबल भोलि (शनिबार) देखि सुरु हुँदैछ । भरतपुर फुटबल क्लबको आयोजनामा चितवनमा सर्वाधिक राशीको गोल्डकप हुन लागेको हो । असोज ३ गतेसम्म चल्ने गोल्डकपको तयारी पुरा भएको संयोजक धुर्व भुसालले जानकारी दिए । गोल्डकप अवलोकन गर्न दर्शकका लागि अस्थाई प्याराफिट निर्माण गरिएको छ ।

चार हजार दर्शकले अवलोकन गर्न सक्ने गरी प्याराफिट निर्माण गरिएको भुसालले बताए । यस्तै मैदान सम्याउनेलगायतका अन्य सम्पूर्ण तयारी पनि पुरा भएको उनले बताए । ‘हाम्रो तयारी पुरा भएको छ । मैदान तयार छ । ६ लाख बढी खर्चमा चार हजार क्षमताको प्याराफिट निर्माण गरेका छौं’, भुसालले भने । गोल्डकपको उद्घाटन खेलमा आयोजक भरतपुर फुटबल क्लब र भारतको मोतिहारी एफसी भिड्नेछन् ।

खेल दिउँसो ३ बजे सुरु हुनेछ । गोल्डकपमा स्वदेशी र विदेशी गरी १० टोली सहभागी हुनेछन् । त्रिभुवन आर्मी क्लब, सशस्त्र प्रहरी बल (एपिएफ) मनाङ एफसी, भरतपुर फुटबल क्लब, फर्साटिकर एफसी, बागमती नगरपालिका, मकवानपुर ११, नव जन जागृति युवा क्लब सिमरा, क्यामरुनको अफ्रिकन युनाइटेड र भारतको मोतिहारी एफसी सहभागी हुनेछन् । सहभागी टिमलाई दुई समूहमा विभाजन गरिएको छ । गोल्डकप विजेताले सात लाख रुपैयाँ प्राप्त गर्नेछ भने उपविजेताले तीन लाख ५० हजार प्राप्त गर्नेछ ।

यस्तै विधागत उत्कृष्ट खेलाडीहरुलाई पनि पुरस्कारको व्यवस्था गरिएको छ । प्रतियोगिता सम्पन्न गर्न ७० लाख रुपैयाँ खर्च हुने आयोजकको अनुमान छ । दर्शकका लागि क्वाटरफाइनलसम्म एक सय र सेमिफाइनल र फाइनलका लागि दुई सय रुपैयाँको टिकटको व्यवस्था गरिएको छ ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान