चितवन । नेकपा एमालेले प्रतिनिधि सभातर्फ चितवन क्षेत्र नम्बर १ मा उपाध्यक्ष सुरेन्द्र पाण्डेलाई टिकट दिएको छ । क्षेत्र नम्बर १ मा प्रतिनिधिसभातर्फ उपाध्यक्ष पाण्डे र पूर्व जिल्ला अध्यक्ष जेएन थपलियाको नाम सिफारिस भएको थियो । एमालेले थपालियालाई प्रदेशसभा तर्फ क्षेत्र नम्बर १ को ‘क’ दिएर पाण्डेलाई प्रतिनिधि सभाको टिकट दिएको हो ।
प्रदेशतर्फ १ ‘ख’मा प्रकाश खनाल (सैलेश)ले टिकट पाएका छन् । चितवन क्षेत्र नम्बर २ बाट प्रतिनिधिसभा सदस्यमा कृष्णभक्त पोखरेलले टिकट पाईसकेका छन् । प्रदेशसभा तर्फ क्षेत्रनम्बर २ को ‘क’मा कृष्ण सिलवाल र ‘ख’मा देवी ज्ञवालीलाई टिकट दिने तय भएको छ । एमालेले चितवन क्षेत्र नम्बर ३ को उम्मेदवार भने टुंगो लगाएको छैन ।
क्षेत्र नम्बर ३ बाट प्रतिनिधि सभा सदस्यका लागि जिल्ला अध्यक्ष रामप्रसाद न्यौपाने एकल रूपमा सिफारिसमा परेका छन् । क्षेत्र नम्बर ३ राप्रपाका उपाध्यक्ष विक्रम पाण्डेको पनि क्षेत्र हो । एमाले र राप्रपाबीच चुनावमा तालमेल भएकाले न्यौपाने र पाण्डे मध्ये कसले टिकट पाउने भन्ने टुंगो लागिसकेको छैन ।
क्षेत्र नम्बर ३ को प्रदेशसभा तर्फ भने ‘क’मा कृष्ण भुर्तेल र ‘ख’मा सरस्वती विष्ट उम्मेदवार हुने तय भएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.